Shillong, May 17: Jaintia Hills a·jani Krishi Vigyan Kendra (KVK)-ko Sonibar salo kulie on·angaha aro ia KVK-ko kulie on·angani bak gita TDC NICRA-ni Stakeholder Workshop-koba ong·atangjolaha.
Ia program-ko Wahiajer-ni KVK campus-o ong·ataha aro ia program-o Meghalaya a·dokni Deputy Chief Minister Sniawbhalang Dhar, mongsonggipa sokgipa ong·e bak ra·angaha.
Ia program-ko ong·atanio a·dokni Deputy CM, tom·anio bak ra·giparangna aganprakengon, songadam nokadamrango manderangni janggi tangani gadangko namdapatna gita scientific farming ba science-ni bewalo gama ge·anirangko dakna nangani gimin agan-talatanirangko on·angaha.
Jaintia Hills-o KVK-ko kulianichi, game ge·e cha·giparangna skie on·anirangko, dakchakanirangko aro gital kolrangko on·e, gama ge·ani kamrangko namdapatna man·gnok ineba Dhar, an·tangni ka·dongchakenganiko parakangaha.
A·doko songdongenggipa manderangni namgnina sorkarini a·bachengatgipa program-rang, jekai CM Elevate Programme, Seed Farm Scheme, aro Farm Mechanisation subsidy gita dakgipa program-rangni giminba a·dokni Deputy Chief Minister agan-talatanirangko on·angaha aro iandakgipa scheme-rangko ra·e an·tangtangni janggi tangani gadangrangko namdapatchinaba ua didiangaha.
Gama ge·ani kamrangko namdapatna gita KVK baksa nangrime kamrangko ka·chinaba ua game ge·e cha·giparangko didiangaha.
Ia program-ko ong·atanio dongpae aganprakanggipa gipin manderangara, Agriculture (R&T)-ni Director M Dkhar, Agriculture-ni Director S Rani, Hyderabad ICAR-Central Research Institute for Dryland Agriculture-ni Principal Scientist aro Principal Investigator (NICRA) Dr G Pratibha, Agricultural Technology Application Research Institute (ATARI) Zone VII-ni Director Dr AK Mohanty aro gipinrang ong·a.
Na·simang iakoba nina man·gen:
Na·simang iakoba poraina man·gen: M’laya Taekwondo Championship-ko Assembly Speaker a·bachengate on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
