Jowai, May 17: Skanggipa Wailadmiki Shylla Veterans Football Tournament, Sonibar salo Jowai-ni Madan Jrisalein-o matchotangaha aro bon∙kamgipa kal∙susaaniona Meghalaya Football Association-ni President Hamletson Dohling mongsonggipa sokgipa ong∙aha. Ia kal∙susaanirangko NPP Jowai Block Constituency ong∙atangaha.
Ia tournament-ko ong∙atani miksonganiara kamoni neng∙takgimin sipairangko gualjana aro uamangko kal∙susana on∙a baksana an∙tangtangni changa-sapanirangko chadamberangna mesokna cholrangko on∙na ine ong∙a ine Wailadmiki jinmana parake aganangaha.
Kal∙susaanirango chegipa dolna gong lak 1.5 tangkarangko, gnigipa chegipana gong lak 1 tangkarangko aro gittamgipa chegipana tangka 50,000-ko boksis on∙angaha.
Uandake, Meghalaya Football Association, a∙doko Football-ko nambatatna kam ka∙enga ine Hamletson Dohling aganenba, kamoni neng∙takgimin sipairangni kal∙susaanirangko nikna ua namen kusi ong∙aha ine parakataha. Iandakgipa kal∙susaanirangko ong∙ataninaba ua NPP Jowai Block-ko mitele, mikkangchiba iarangko ong∙atangkuna nanga ine aganangaha. Una agreba, chadambegipa aro gisik nanggipa minister-ni donganichi Jowai namen rasong gnanga ine Hamletson Wailadmiki-koba mitele aganangaha.
Gittamgipa biapna kal∙susaanio, Mission Compound/Loomkyrwiang, Mihmyntdu A-ko 5-0 man∙e cheaha.
Friendly Match-ko ong∙aton, Legends 11, Kdup Dei Maya-ko 4-1 man∙e cheaha.
Bon∙kamgipa kal∙susaanio, Khimmusniang, 2-1 man∙e Mukhla-ko cheaha.
Unbaksana, dingtang dingtang gadangrango chegipa kal∙susagiparangara:
1) Oldest Player – Mihmyntdu A-ni Carmel Suchiang (63)
2) Top Scorer – Mukhla-ni Charles Sumer
3) Man of the Match – Khimmusniang-ni Donbor Bamon
4) Best Goalkeeper- Mission Compound/Loomkyrwiang-ni Rimiki Lyngdoh
Kal∙susaani atagrik ong∙ani somoio Wailadmiki aro Hamletson, kal∙susaaniko nina re∙bagipa manderangnaba football-rangko boksis on∙ataha.
Na·simang iakoba nina man·gen:
Na·simang iakoba poraina man·gen: Jaintia Hills-ni KVK-ko kulia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
