17.8 C
Tura

Jammu & Kashmir-ni Indo-Pak simao a•kol rama dilsako BSF nika

Must read

New Delhi, Jan 13: Jammu & Kashmir a•dokni Kathua a•jao donggipa Bobbyian songni Indo-Pak sima jolo a•kol rama dilgipinko Border Security Force (BSF) dolni sipairang Budbar pringo niktaiaha.

Ia a•kol rama tarie dongipa biapara Jammu & Kashmir a•dokni Kathua a•jao donggipa Hiranagar sector-o ong•achim.

“Ia a•kol ramako da•al pringni bako BSF-ni sipairang, Hiranagar-ni Bobbyian songo nikaha,” ine police officer saksa Budbar salo parakataha.

Police officer-ni parakatani gitade, ia a•kol dakgipa ramako bobil dake chakatgipa manderang napsrukbana man•na gita Pakistan a•songoni taribaahachim.

Ia a•kol dakgipa ramako nika bakan, BSF-ni IG NS Jamwal aro Jammu-ni IGP Mukesh Singh-ko man•chape BSF aro police officer-rang, ua biapona re•ange nieaha.

Re•anggipa November 22 tarikoba ia apsan dakgipa a•kol ramako BSF dolni sipairang, Samba sector-oniko nikahachim aro ia rama gitan November 19 tariko Nagrota samba jolo donggipa Ban toll plaza-o so•otako man•gipa Jaish bobil dolni mande sakbri re•rurana jakkalahachim ine police official-rang parakataha.

More articles

-->
-->

Latest article