Guwahati, July 15: Pradhan Mantri Bharatiya Janaushadhi Pariyojana (PMBJP), sanna bannaniko nangenggipa kangal cholgri manderangna dakchakaniko on·enga aro ia scheme-ni ning·on Jan Aushadhi Kendras-ni gita komigipa damrango samrangko iandake kangal cholgri manderangna on·skaenga.
Guwahati Medical College and Hospital (GMCH) campus-o Jan Aushadhi pharmacy-ko kuliaha aro ia pharmacy-ona samrangko brena bang·a manderangan re·batokenga ine nikna man·a. Ia scheme-ni ning·o iandake dakchakaniko on·enganina bang·a manderangan kusi ong·anikoba parakataha.
Indake GMCH campus-o gipin private pharmacy-rango dam rakgipa samrangko palenganiko nikna man·a jean kangal cholgri manderangna sanna bannaniko ra·anio neng·nikani ong·a ine nikna man·a. Indake ong·genchimoba, Jan Aushadhi Kendra uamangna sanna bannaniko ra·anio dakchakaniko on·enga.
Kobor ra·timgiparang baksa GMCH Jan Aushadhi pharmacy-ni in-charge Safidul Islam agangrikengon, a·bachengode uamangona re·bagipa manderang komiachim, indiba da·alo bang·a manderangan re·bae samrangko bretokengaha. Unbaksana ia samrang uamangna kam ka·engama ka·jaenga ine sing·on, dam rakgipa samrang gita apsan dake kam ka·enga ine manderang aganchakaha aro je mandean dam rakgipa samrango pangchakengachim uaba da·ode ia samrangko ra·enga ine aganaha.
Unbaksana, ia samrangni gimin manderangoni namgija agananirangkoba ba complaint ka·anikoba uamang man·sokuja maina, ia samrang WHO-GMP-oni certify ka·a man·gimin ong·a aro 90% mangni gitan nanggipa samrangko iano man·a ineba ua agandapaha.
Ia pharmacy-oniko sam bregipa saksa Dipjyoti-ba, gong 5000 damni samko iano gong 500-on man·aia, ian 90% mancha komibata aro uamang gita kangal cholgri manderangna de bilongen dakchakani ong·a ine aganaha.
Indake gipin customer-rangba ia ja·ku de·anina aro kangal cholgri manderangna sanna bannaniko ra·anio dakchakaniko on·enganina kusian baksa mitelpilskaaniko dakangaha.
Na·simang iakoba nina man·gen:
Na·simang iakoba poraina man·gen: Siang-o songdongenggiparang SUMP-ko jegalgrima
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
