Shillong, Mar 17: March 14 tariko Assistant Engineer-rangko seokaniko parakatanio Jaintia dolrangko watchanganina Jaintia Students’ Union (JSU) Mongolbar salo Meghalaya Public Service Commission-ni kosako jegalenba, indake dakanichi Jaintia manderangni bimungko gimaatna kenani gnang ine aganangaha.
Chong·motgipa seaniko “Khasi-Jaintia” ine janapahachim, indiba Urband Affairs Department-ni December 2021-o janapani gitade Khasi-kosan seaiaha ine JSU parakataha.
“Iandake mamung a·sel gri watchanganiara Jaintia manderangni bimungni gimaanina kenanirangko ra·baa,” ine uamang talatangaha.
“JSU ia watchanganiko namatna nangchongmotgipa ine ra·a aro Jaintia manderangni bimungko gimaatna ba dal·e ra·jana aro reservation-ko man·gniko on·jana gita mesokaniko raken jegala. Indake watchanganirang, dakgualgipa ong·oba ba ong·jagenoba, ma·ambioni ong·bagipa jatrangko naljoke rakkina pilaknan apsan cholko on·ani, mikkang nitegijani, aro niam bidiko bilko on·anirangko jechakani ong·a,” ine uamang janapangaha.
Adita salrangna skang Assembly-o tom·bimongani somoio Nongkrem constituency-ni dilgipa saksani Jaintia jatrangko janapna gualaniko JSU-ni manderang ia obosta baksa nangdimataha.
“Ia obostako, da·o ong·gipa obosta baksa tosusaatgenchimoba, Jaintia manderangni bimungko dal·e ra·gijanirangko mesoka,” ine uamang aganangaha.
“MPSC ia obostako gong·raken namedake talatchina aro pilak official document-rango Jaintia-rangni man·gniko namedake janapchina chinga didienga. Unbaksana, Jaintia manderangni bimungko, rasongko aro man·gni bilrangko pangnan mande ra·china aro rakkichinaba chinga kam ka·enggipa authority-rangko mol·molatenga,” ine JSU aganangaha.
Na·simang iakoba nina man·gen:
Na·simang iakoba poraina man·gen: Bobil dakgipa dolrangko am·sandiengon US aro Ukraine-oni manderangko NIA rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
