Shillong, Aug 12: Jowai jillao aro manderangni anti cha•gipa biaprango skatang jabol galaniko jegale Bristibar salo Tympang Iawmusiang-ni dilgiparang, dingtangmancha jinma tom•e re•jomaniko ong•atangaha aro ia re•jomanio bang•bea manderang, a•dok sorkari aro Jowai Municipal Board-ni kosako jegale bakko ra•angtokaha.
Jowai-o skatang jabolrangko galengani a•sel manderang neng•nikanirangko man•tokna nangengani gimin Jowai-o songdongenggipa bang•bea manderang, Jowai market-ni mongsonggipa rama gita re•jomange West Jaintia Hills Deputy Commissioner-ni office mikkango matchotateaha.
Jolo songdongenggipa manderangni parakatani gitade, Jowai-ni mongsonggipa anti cha•chakgipa biapo aro manderangni dongchakenggipa biaprango da•o jabolrang gaproroengahani a•sel manderang neng•nikanirangko man•tokna nangengahachim.
A•dok sorkari aro Jowai Municipal Board-ni kosako jegalaniko mesokna gita manderang, DC office-ni mongsonggipa gate-o jabolrangko galeskaaha.
Jinma re•joma matchotani ja•mano kobor ra•timgiparangna talatangengon, jingjengataniko uamang Bristibar salo a•bachengataha aro Sukrobar pring 9:00 bajini gisepo ia jabolrangko galjagenchimode DC office sambao pring 11:00 bajioni attam 5:00 bajiona asonge jingjengatanggen ine Tympang Iawmusiang-ni dilgiparang parakataha.
