Shillong, Feb 23: Sombar salo, Mawhati-oni NPP MLA Charles Marngar Meghalaya Democratic Alliance (MDA) sorkarini kam ka·aniranga rasongko on·enba, “Master of Development with Action” ine mitele aganangaha.
“Da·alo anga iano chadenge, an·chingni manderangna kamrangko ka·anina an·chingni MDA sorkariko mitelenga… A·doko namdapanirangko nikna man·enga, silroro-namroroanirangko u·ienga aro kam ka·anirangko nikna man·enga,” ine Governor-ni Address-na jera ra·ani somoio Marngar aganangaha.
Uandake opposition-ni membor-rangni dilenggipa constituency-rangoba scheme-rangko sokatanina ua sorkariko mitelangaha. “Indake dakanichi sorkariara politics-o dingtanggrikaniko nija, indiba pilak constituency-ni manderangni nangnikanirangko chu·sokatna skaniko mesoka,” ine ua aganaha.
Ua Khasi katta, “LAHUN”-ko (chu·ongnikani) jakkalenba, “Anga 100% chu·ongnikjanaba gnang….Indiba, ia sorkario bak ra·ani ja·mano angni dilenggipa constituency ka·donganiko nikengaha ine anga namen kusi ong·bea,” ine ua aganangaha.
Uni constituency-o nambata dingtanganiko janapenba, Mawlasnai-oni Kdohhati-ona dakanggipa km 20-ni PMGSY sorokko matchota baksana gipin project-rangko ka·enganirangko ua aganangaha.
Una agreba, ua dingtang dingtang kamrang jekai JJM, CRD block-ko bikotani, smu-rangni damrangko kg-prako Rs 25-30oni Rs 55-ona tang·doate sak 13,000na baten game cha·giparangna namgniko ra·bagipa CM Assure-ko ra·baanina sorkariko mitelangaha.
“Itihas-o ian skanggipa changna smu ge·e cha·giparangna namgipa ja·ku de·ani ong·a,” ine ua aganangaha.
Na·simang iakoba nina man·gen:
Na·simang iakoba poraina man·gen: NPP, GHADC election-na Bappun Sangma-ko Coordinator-na seoka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
