Shillong, Sep 30: A·doko railway project-ko a·bachengatanichi pilaknan namgniko on·na man·na gita pilak bak nanggipa dolrang baksa bakrime namedake chanchirimanirangko dakna nangenga ine Sombar salo, kam watangenggipa chief secetary DP Wahlang kobor ra·timgiparangna aganangaha.
Uni aganani gitade, pilak dolrangan namnikaniko mesokani ja·manosa rai-rangko ra·na man·gen.
Ramarango garirangni chakpilgija re·jitna man·gijanirangni gimin aganaon, iarangna, mongsongbate Shillong songjinmao iandakgipa neng·nikanirangkode ta·rake namatna man·gipa chol dongja ine ua aganaha.
Ia neng·nikanirangko dikdiksa somoina, adita salrangna aro ru·uta bilsirangna namatna gita sorkari cholrangko sandienga ine ua parakataha.
Sorokrango garirangni chakgijanirangko komiatna sorkari bang·a parking lot-rangko rika baksana dorbar shnong-rang baksa bakrime adita biaprangko gari donchakani cholrangko dakna am·enga ine Wahlang aganangaha.
Sorokrango garirangko komiatna, gari gitchamrangko ra·gale galna tik ka·aha. Bang·a gita project-rang jekai Western Bypass, High-Speed Corridor aro Tura Bypass-rangko tarinaba tangkarangko chammaha ineba ua janapaha.
“Ia neng·nikaniko namdapatnade on·tisa somoi nanggen. Iako ta·rake namatni chol dongja. An·ching chakchikna nanggen. Salprako bimung segatenggipa garirang badita bol donga niate nibo. Bilsi 20-na skang salprako gari bol3-4 ong·aoni da·ode ritchani ritcha ong·aha. Uni gimin an·ching namedake cholrangko tarina nanga, aro chingni chanchisamsoe dongiminrangchi chinga salsaode iarangko nambatatna man·gen ine ka·donga.”
Wahumkhrah chibima-ni bidingoba bang·arangko dakna skengkua ine Wahlang parakataha. Uandake chi-ko rongtalatbata aro ua jolko nitobatatna kam ka·anirangni gimin ua janape, iarangko namatna sorkari shnongrang baksa bang·a changrangna tom·e chanchirimanirangko dakaha ine ua aganangaha.
Pollution Control Board-ni porikka ra·e nianichi ia chi-ni rongtalani nambataha ine nikna man·gen ine ua aganenba, chini wilwilao donggipa biaprangko nitoatna da·o kamrangko ka·enga aro bilsisani gisepo matchotna ka·dongsoenga ine ua agandapaha.
Pekgipa bosturangko jakkalani bidingo songdonggipa manderang aro dingtang dingtang dolrang baksa bang·a cholrangko sandina nanggen ine talatenba, drugs jakkalani neng·nikaniko namatna police-rang anti-drug squad donga ine ua janapaha.
“Drugs-ko warachakna bilsi gnina skanggipa a·bachengatgipa DREAM project-koba chinga niatenga,” ine ua aganangaha. Unbaksana sorkari drug rehabilitation center-rangko bang·batataha ineba ua janapaha.
Uandake, songdonggipa manderang baksa kam ka·ani, torom-ni dilgiparangni dolrang aro gipin dolrang baksa bakrime pekgipa bosturangko jakkalgipa manderangna agan-ku·pattina aro drugs jakkalaniko namatna nangchongmotna nanga aro drugs badingsrukgiparangko rim·na jotton ka·anichisande namatani chol ong·ja,” ine ua parakataha.
Na·simang iakoba nina man·gen:
Na·simang iakoba poraina man·gen: Zubeen sagini sianiko am·sandichina MLAT-ko Assam Govt mol·mola
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
