Shillong, July 15: Meghalaya a·doko dingtang dingtang kamrangni gimin matnanganirangko am·sandina gita Meghalaya sorkari inquiry commission-ko songahani gimin, ia pilak kamrangni bidingo mamingkoba aganna skang inquiry-ko matchotatchengna nanga ine National People’s Party (NPP)-chi dilenggipa Meghalaya Democratic Alliance (MDA)-o bakrimpaenggipa PDF dol parakataha.
A·dokni Power Minister James K Sangma-ko ra·galchina gita dingtang dingtang dolrang dabitokengoba PDF dolde maming ku·rangko on·jaenga ine kobor ra·timgiparangni sing·on, uamang pilak kamrangkon name ma·sichengna gita pangnan chief minister baksa agangrikchengronga ine PDF-ni dilgipa aro a·dokni Agriculture Minister Banteidor Lyngdoh parakataha.
ILP-ni bidingo ma·mong sorkari a·dokni manderangna talate on·na nanga ine dingtang dingtang dolrangni dabienggipani bidingo janapatskaengon, Union Home Minister Amit Shah da·o Meghalaya a·dokona re·baenga, ua somoio ua maiko daka ja·mano ma·siaigen ine Lyngdoh parakataha.
MDA-o bakrimenggipa dolrang Sukrobar salo apsan tom·e chanchirimna siengani gimin, nangchongmotgipa kamrangni bidingo PDF dolba sorkarina ku·pattianiko on·gen ine Lyngdoh parakataha.
