Guwahati, Jun 18: Bristibar salo, Karbi Welfare Autonomous Council (KWAC)-ni membor-rang, skanggipa changna Guwahati songjinmao ku•mikchetangaha aro ia program-ko ong•atanio, Assam a•dokni Education Minister Ronuj Pegu, mongsonggipa sokgipa ong•e bak ra•angaha.
KWAC-ni membor-rangko ku•mikchetatna program-ko ong•atani ja•man Assam-ni Education Minister, kobor ra•timgipa manderang baksa agangrikengon, Karbi Welfare Autonomous Council-ko songaniara, 2021 bilsio India sorkari, Assam sorkari aro dingtang dingtang Karbi dolrangni tom•tomanina soi ka•grikani bite ong•a ine parakataha.
KWAC-ko songahani gimin ua a•songni Prime Minister Narendra Modi, Union Home Minister Amit Shah aro Assam-ni Chief Minister Himanta Biswa Sarma-koba mittelpilangaha.
Pegu-ni parakatani gitade, 2021 bilsio India sorkari aro Assam sorkarirang baksa dingtang dingtang Karbi dolrangni songgigrikanio, Karbi Anglong-o donggipa Sixth Schedule a•jani a•palo donggipa pilak Karbi manderangna KWAC-ko bikote on•gen ine ku•rachakaha aro uandaken da•o Autonomous District-ni a•palo donggipa Karbi manderangni namroro silroroanina ia KWAC-ko songaha.
KWAC-ni Chief Executive Membor (CEM) Sarchin Ingti-ba ia salko Karbi manderangna gisik ra•beani sal ine janapatenba, KWAC-ko songaniara Sixth Schedule a•jani a•palo donggipa Karbi manderangni, ru•utbea bilsirangna dabianiko chu•sokatani ong•aha ine aganaha.
Na·simang iakoba nina man·gen:
Na·simang iakoba poraina man·gen: Kohima-o rika cho·aniko dakenggipa biapo atchidaldal bi·sa galako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
