Kharkutta, Apr 17: Sukrobar salo, chatro chatrirangna Career Guidance program baksana ia 2026 bilsini Secondary School Leaving Certificate (SSLC) porikkao Top 20-ni 10-gipa gadango pass ka•anggipa Adokgre St Andrew’s Secondary School-ni chatro Emalton D Marak-na aro North Garo Hills a•jao nambate pass percentage man•gipa chatro chatri sak 10-na mande ra•pilskaaniko dakna gita felicitation program-koba United Kharkutta Government Higher Secondary School-o ong•atangaha.
Ia program-ko ong•atna gita Kharkutta Constituency-ni MLA Rupert Momin, tangka paisarangko dakchake on•aha aro unbaksana North Garo Hills a•jani District Administration-ba Chief Minister’s Youth Development Scheme-ni ning•o dakchakaniko on•aha.
Ia program-ko Kharkutta-ni Indigenous A•chik Youth Development Affairs (IAYDA) ong•ataha aro ia program-o dingtang dingtang skulni chatro chatrirang, skigiparang aro jolo songdongenggipa manderangba bak ra•angtokaha.
Ia tom•anio, IAYDA-ni general secretary, rimchaksoani kattarangko aganangengon, chadamberangna janggi tangani cholrangko on•na gita uamangni dol kamrangko ka•enga ine talataniko on•angenba, matric pass ka•e skuloni re•ongkatangenggipa chatro chatrirangna career guidance ba mikkangchi an•tangtangna janggi tangani cholko baseanio, agan-ku•pattie on•na nangani gimin janapangaha.
Ia program-o mongsonggipa ong•e sokgipa Kharkutta-ni MLA Rupert Momin, tom•anio bak ra•giparangna aganprakangengon, chubata gadangrango poraiangkuchina aro vocational training-rangkoba ra•china chatro chatrirangko didiangenba, an•tangni constituency-o donggipa chadamberangna ua dingtang dingtang youth development scheme-rangko on•angkuna kam ka•gen ine ku•rachakaniko on•angaha.
Ia program-ko ong•atanio, North Garo Hills a•jani Superintendent of Police (SP) Pawar Swapnil Vasantrao-ba dongpae, jinmana aganprakengon, an•tangtangni janggi tanganio chu•sokgiparang ong•jaskal an•tangtangni nisanko watgaljachina aro bimchipe poraichina chatro chatrirangko ku•pattiangaha.
Ia program-ko ong•atanio, North Garo Hills a•jani Additional Deputy Commissioner YW Momin, Kharkutta Block-ni Block Development Officer Diganto Hajong aro dingtang dingtang official-rangba dongpae jinmana aganprakangaha.
Ia bilsini SSLC porikkao Top 20-ni 10-gipa gadango pass ka•gipa Adokgre St Andrew’s Secondary School-ni chatro Emalton D Marak-ba ia tom•anio jinmana aganprakengon, ia porikkao maikai ua krenge poraianichi aro manderangni dakchakanichi chu•sokgipa ong•na man•aha, uarangni gimin agan-talatanirangko on•angaha.
Na·simang iakoba nina man·gen:
Na·simang iakoba poraina man·gen: Tura-ni Aeroville School-ko taridapna Food Fest-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
