Imphal, Apr 17: Bristibar salo Manipur-ni Bishnupur a·jao kajia-golmalrang ong·taiani a·selo sak 21 manderang saknaanirangko man·aha aro sakbonga manderangko police-rang rim·aha.
Koborrangko man·soani gitade, jegalaniko dakgipa manderang silchidarerangko ra·bite ramramari ba·ra-cholrangko gane bol gittam private garirango re·angenggipa sipai dolrangko mamung a·sel gri dongdipataha.
“Salni 1: 30 bajimango Thinungei sepangjolo, gari ning·ao re·angenggipa sipai dolrangni bidingo tol·e jangbingbangani ja·mano manderang uamangni re·angenggipa garirangko champengsoaha aro uandake ia obosta ong·aha. Bang·a manderangan re·baenba ia garirangko re·angna on·jaha, aro unomiting adita manderang ding·chaoenba garirangko nosto ka·aha aro bol gni garirangkode so·aha,” ine saksa police official parakataha.
Obostarangko tom·tomatna ine adita police dolrangko ua biapona watataha aro unon jegalaniko dakenggipa manderang baksa kajia-golmal ong·aha.
Police-rangni aganani gitade, ia kajia ong·anio sak 21 manderang bang·gija mata-buanirangko man·aha aro sakbonga manderangko rim·aha.
Uandake, district magistrate, Bharatiya Nagarik Suraksha Sanhita-ni Section 163-ni ning·ao hukumko on·enba, attamni 5 bajioni dipet u·iattaijana kingking manderangko ong·kate rojachina ge·etaha.
April 7 tariko Bishnupur a·jani Tronglaobi songo chanchichipgimin bobil dakgipa dolrangni chadrapani a·sel adasa sakgnini siani aro uamangni ma·gipani bang·a mata-buanirangko man·ani ja·mano Manipur-o so·sojengjeng ong·anirangko nikna man·aha.
Na·simang iakoba nina man·gen:
Na·simang iakoba poraina man·gen: Kharkutta-o Career Guidance aro Felicitation program-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
