Tura, Apr 17: Tura-ni Aeroville School-ko name taridapna tangka paisarangko chimongna gita Sukrobar salo, annual Food Fest-ko ong•atangaha.
Skul nokrangko aro kal•chakram biaprangko taridapan baksana skulo dal•begipa water cooler ba chi ka•sinatani ostroko chatna tangka paisarangko chimongna miksonganio ia food fest-ko ong•atangaha.
Ia food fest-ko ong•atanio, chatro chatrirangni dakchakanichi skulni skigiparang dingtang dingtang stall-rangko tarie, dingtang dingtang cha•ani ringanirang, jekai Indian, Chinese, Nepali aro uandakgipa cha•anirangko manderangna palaha.
A•chikrangni cha•ronggipa cha•anirang, jekai Sakkin, Jakkep, Minil, Wak Kapa aro Do•o Kapakoba ia food fest-o palaha.
Ia food fest-o cha•ani ringanirangna agreba, dingtang dingtang biaprangoni re•bagipa manderangna, an•saoatani biaprangkoba tarisoaha aro ia food fest-ona re•bagipa manderang, dingtang dingtang kal•anirangkoba kal•e rona cholko man•aha.
Unbaksana ia food fest-o pulrangko ge•na gisik nanggipa manderangnaba dingtangmancha pul dokkanko done, dingtang dingtang rokomni pulrangko mesokan baksana pala sim•anikoba nikna man•aha.
Na·simang iakoba nina man·gen:
Na·simang iakoba poraina man·gen: FIFA World Cup 2026-ko India-o mesokatjanaba gnang
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
