Shillong, April 17: FIFA World Cup 2026-ko June jao a·bachengatnasiengon, India-o uko mesokatani bidingo jajaanirang ong·enba, a·songo donggipa robol kal·anirangko nina namnikgipa manderang world cup-o kal·susaanirangko nikrikjanaba gnang ine u·ina man·enga maina da·ona kingking, darang television ba digital platform-ba media rights-ko am·na re·bakujaenga.
2025 bilsini bijangchirangonin world cup-ko watna dakna nanggnirangko FIFA a·bachengatahachim indiba darangba gisik nanganiko mesokgijani a·sel, India-o official broadcaster dongjaenga.
A·bachengo, 2026 aro 2025 bilsirango ong·atnasienggipa World Cup-rangni media right-rangko $100 million ine FIFA donsoaha. Indake ong·genchimoba, bang·bata dolrangko gisik nangatna inenba ja·mano $35 million-ona tang·onataha. Damrangko namen komiatani ja·manoba broadcaster-rang uko brena jaja-jiji ong·engkua.
FIFA World Cup 2022-ko bang·a manderangan nigen inenba Viacom18, $62 million-na media rights-ko breaha. Ia changde, apsan damnade indita brena man·jawaha gita nikenga.
Television aro digital platform-rangni media rights-ko brena gisik nanggijani mongsonggipa a·selara India-ni sports media industry-ni gisepo dingtang dingtang dolrangni bakrimanian ong·a. Star India aro Viacom 18-ni dondime JioStar-ko a·bachengatanichi, media rights-ko bregiparangni gisepo susaanirang komiangaha aro uandaken, company-rang iandakgipa dal·gipa gadangni media rights-ko brena seksekna nangjaha.
Tangka-paisarangni bidingo neng·nikanirangba media rights-ko bregijani minggipin a·sel ong·a. Broadcaster-rang cricket kal·susaanirangna, mongsongbate International Cricket Council aro Board of Control of Cricket in India-na bang·a tangkarangko koros ka·manaha. Iarangni a·selan tangka-paisarang komiangenba, football-na media rights-ko brenade korosrangna neng·nikaniko ra·baskaaha.
Sal-somoirangni dingtanggrikanirangchiba neng·nikanirangko man·a. United States, Canada aro Mexico-o ong·atgipa kal·susaanirangko India-o waltingao ba pringwalo mesokatgen, aro indake ong·on nigiparang kominaba gnang, uandaken advertising revenue-ba komigen. Football kal·susaanirangode commercial break-rangna bang·e somoi dongjani gimin advertisement-rangko jakkale tangka-paisarangko man·ani cholrangba komibatgen.
Da·o dipetde ia obostani bidingo namatani cholko man·kujaenga, aro uandaken, India-ni manderang FIFA World Cup 2026 Live-ko nikrikjanaba gnang ine u·ina man·enga.
Na·simang iakoba nina man·gen:
Na·simang iakoba poraina man·gen: Indo-Bhutan sima ari jolo a·rikgalaniko dakanichi so·so jengjeng ong·a : Assam
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
