Shillong, Feb 9: Adita salrangna skang, East Jaintia Hills a•jani koela a•damo gopretanichi sak 27 manderang sina nangahani gimin mikkangchiba koela a•kolrango niam gri koela bikotna, ‘dynamite’ bomarangko jakkalangkugenchimode bang•en a•selrang ong•e janggirangko gimaatna nangkugen ine Meghalaya High Court-ni songe on•gipa committee-ni dilgipa Justice (Retd) BP Katakey, mikrakataniko on•angaha.
Skangode koela a•kolrangona manderangkosa watate, koelarangko cho•e ra•ongkatatrongachim indiba da•ororode niam gri koela bikotenggipa manderang, dynamite-rangchisa koelarangko bikotskaengaha ineba Justice Katakey, an•tangni suk ong•gijaniko parakataha.
A•sel ong•gipa biapona an•tangni re•ange nikeako janapatengon, koela a•kolrango dynamite-rangko jakkale koelarangko bikotangkua ong•ode bakan apsan dakgipa a•selrangko chagrongna nangtaigen ine Justice Katakey mikrakataniko on•angaha.
Koela a•kolrango kam ka•enggipa manderangni janggirangko chel•chakaniara district administration aro police-rangni daitoan ong•a ine janapatengon, koela a•kol nokgiparangni kosako rakgipa ja•kurangko de•china ua didiangaha.
A•sel ong•ani ja•man, district administration aro police-rang, niam gri koela bikotenggipa biaprangko am•sandienba, Umpleng police station-ni ning•o donggipa Cement bazar aro Mynsyngat songoniko bang•en gopretgipa bosturangko man•aha ineba Justice Katakey parakataha.
A•sel ong•gipa koela a•damona uni re•ange, kam ka•giparangko sing•sandiani bidingo janapatengon, ia manderang ua biapo bilsi 16 bilsi 20 ong•pile kamrangko ka•engaha aro ia biapara Khliehriat-oni kilometer 10-san chel•grikaioba darangba ia biapko nikkujachim ine Justice Katakey parakataha.
Koela a•kolrango jakkalenggipa bosturangko rim•china aro nokgiparangni kosako rakgipa ja•kurangko de•china gitaba ua district administration aro police-rangna ge•etaniko on•ataha.
Na·simang iakoba nina man·gen:
Na·simang iakoba poraina man·gen: Assam – Meghalaya sima ari jolo Lalmati-o Luki Mouza RNC aro RNWC-ni bilsiantini tom·aniko ong·atanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
