Shillong, Feb 16: February 5 tariko, East Jaintia Hills a·jani Mynsyngat-Thangsko minggipa biapo koela a·damo goprete a·sel ong·e sak 30-na baten kam ka·giparangni janggi galani, aro Meghalaya-o niam gri koela cho·anirangko dakani a·selrangni bidingo am·sandianirangko dake parakatchina Judicial Enquiry Commission-na jadokna somoi on·ataha ine a·dokni Skotong Minister Conrad K Sangma Sombar salo Assembly budget session-ni skanggipa salo parakatenba, niam gri koela cho·anirang aro salruraanirangko a·dok sorkari nirokatenga ine aganangaha.
Uandake, uni sorkari scientific bewalo koelarangko bikotna kamrangko ka·enga, jeon da·o ge 3 dorgastorangko ra·chakaha aro ge 20-ko India sorkarina watataha aro uarangba ra·chakaniko man·nasiengaha, ine skotong minister agandapangaha.
Commission of Inquiry Act, 1952-ni ning·o bikotgimin aro February 14-o u·iatgimin Judicial Inquiry Commission-ko Uttarakhand aro Telangana Hugh Court-rangni Chief Justice gitcham dilenga aro uni sakgni member-rang – retired IPS H Nongpluh aro retired IAS Peter Dkhar donga.
Ia Commission-an East Jaintia Hills-ni Mynsyngat-Thangsko songo February 5 tariko ong·gipa obostarangni a·selrangko sandienba, uno bak donggipa manderang aro dolrang aro obostako champengna man·gijani a·selrangko name-tale sandianggen ine Sangma talatangaha.
“Ia Commission-ara Meghalaya a·doko niam gri koela bikotani mongsonggipa a·selrang aro uno pangchake janggi tanggipa hajira kam ka·giparangni kam ka·ani obostarangko am·sandianggen,” ine Sangma aganenba, mikkangchi iandakgipa a·selrangko champengna gita niam gri koela cho·anirangko namatani cholrangkoba Meghalaya sorkarina ra·gatchina janape on·anggen ine talatangaha.
Una agreba NGT-ni koela cho·aniko dontongatna skang, koela cho·anio pangchake janggi tanggipa manderangna tangka-paisarangko aro janggi tangani cholrangko on·china, aro Meghalaya-o koela cho·ani bewalrangna, Mines and Mineral Development Act, 1957 ba Niam bidikni 6-gipa Schedule-ni Para 12 (A)(b)-o donggipa janapgimin niamrangni bidingo India-ni President baksa agangrikna nangama nangja uarangkoba agane on·china Commission-na ge·etaniko on·ataha.
“Jadokni gisepo Commission uni chimonggimin report-ko on·atgen,” ine CM aganangaha.
Na·simang iakoba nina man·gen:
Na·simang iakoba poraina man·gen: GHADC Election-o susanagipa sak 24 candidate-rangko NPP parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
