Shillong, Feb 16: National Green Tribunal-ni koela cho·e bikotanirangko dontongna ge·etaniko on·ani ja·mano, hajalni hajal nokdangrang janggi tangani cholrangko gimaataha, indiba a·doko koelarangko namedake aro scientific bewalrango bikotna hukumko man·na ja·ku de·enga ine Meghalaya-ni Governor CH Vijayshankar Sombar salo budget session-o parakataha.
“Sakgittam dorgasto galatgiparang hukumko man·e, scientific bewalo koela bikotanirangko dakenba uarangko garirang aro rel garirang gita a·songni dingtang dingtang biaprangona watatengaha. Una agreba, sak-20 manderangni dorgasto galanirangko watataha aro uamangko ra·chakna skang boon·kamgipa niani gadangrango ong·enga, uandake ian samtangtangko nisianiona ra·bagija manderangna janggi tangani cholrangko on·pilna ka·sine aro name re·mikkangani ong·a” ine Vijayshankar agandapangaha.
East Jaintia Hills a·jani Mynsyngar-Thangsko minggipa biapo koela a·damo goprete a·sal ong·ani ja·mano Governor ia parakatanirangko dakaha. Ia a·sel ong·anina manderangni naljokani bidingo opposition-oni sing·doanirangko dakangaha.
Uandake, sorkari ia a·sel ong·ani bidingo am·sandina Commission of Inquiry Act-ni ning·o Judicial Inquiry Commission-ko bikotna tik ka·aha ine Governor aganchakangaha.
Mynsyngat-Thangsko-o niam gri chalaienggipa koela a·damo goprete a·sel ong·anio sak 30-na baten kam ka·giparang janggi galaha.
A·jao niam gri koela bikotanirangko dakani bidingo ge 62 FIR-rangko (Mynsyngat-Thangsko-o ong·gipa obosta ong·na skang ge-5 FIR-rangko chane) ka·ani ja·mano da·ona kingking sak 14 manderangko rim·anirangko dakaha.
Una agreba, authority-rang koela-ko 15.224.72 metric tonne-rang man·a baksana kg 25.5 gelatin bomarang aro ge 74 detonator-rangkoba man·aha.
Uandake, Director General of Police, ia a·sel ong·anio namedake am·sandina aro niamni gita ja·ku de·na ine special investigation team-ko (SIT) bikotchinaba hukumko on·aha.
Na·simang iakoba nina man·gen:
Na·simang iakoba poraina man·gen: 2018 bilsioni M’laya-o tangka paisani gita gadang 2 mang tangdobataha : Governor
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
