Shillong, Feb 16: Meghalaya a·dokni Governor C. H. Vijayashankar, Meghalaya Assembly-ni Budget Session-ko a·bachengate on·angengon, 2024-25 bilsio a·doko tangka paisani gita 9.66% mang tangdobataha ine aganan baksana ian 2032 bilsina niksamsoanina re·mikkanganiko mesoka ineba ua aganangaha.
Meghalaya a·dok, Tamil Nadu-ni jamano tangka paisani gita tang·doanio 2-gipa gadango ong·enga ine u·iatengon, 2018 bilsio a·doko tangka paisani gita man·ani gong kror 29,508-oni 2025 bilsiona gong kror 599,626-ona tang·dobataha ineba ua janapangkuaha.
Bilsi 2032 bilsio India-o Meghalaya a·dokko tangdororobaenggipa dam 10 a·dokrangoni ge·sa ong·atpana gita a·dok sorkari Meghalaya Excellence Framework-ko ja·rike kamrangko ka·enga ine ua aganangaha.
A·doko namroro silroroaniara mongsonggipa sector-rang jekai gama ge·ani, rama jal·angrang, bijoli, chi, IT, tourism aro welfare scheme-rangoni ong·a ine ua aganangaha.
A·dok sorkarini, a·paloni tangka paisani gita dakchakanichi gong kror 12,000 tangkarangchi ming 15 project-ni kamrangko ka·enga. Ministry of Development of North Eastern Region aro PM-DevINE scheme-ni ning·o mongsonggipa project-rang jekai Integrated Sohra Tourism Project, Shillong Peak Ropeway aro Unity Mall-koba tariengaha.
Private investment-rang Meghalaya a·doko batroroengaha ine ui·atengon, da·o dipet gong kror 1,800 mang a·dokona sokbaaha aro a·dok sorkari 2032 bilsiona kror 8,000 tangkarangko salbana mangsongenga ineba C. H. Vijayashankar aganataha. Ia gitalgipa project-rango, North Garo Hills-o gong kror 330-ni Varun Beverages karkana aro kror 300-ni Taj Umiam Report aro Spa-koba man·chapa.
Iani gisepon, digital platform-rang jekai Meghalaya One Portal aro CM Connect-rang sorkarini dangdike on·ani kamrangko manderangna doga oe on·an baksana donua grigipa ong·ataha ineba ua agandapangkuaha. Meghalaya a·dok, nangchongmotgijagipa niamrangko ra·galanioba 3-gipa biapo ong·an baksana bading chiwalanirangko altubatatna gita Meghalaya Decriminalization (Amendment of Provisions & Repealing) Act, 2025-koba ra·gatangaha.
2018 bilsioni km 2,960 mangna bate rama jal·angrangko tariani gisepon, dal·dalgipa project-rang jekai kror 22,000-ni Shillong-Silchar Greenfield High Speed Corridor-rangkoba tariengaha. Shillong aro Baljek Airport-rangko namdapatani gisepon, gari jakkalgiparangna gital naljokatani niamrangkoba a·bachengate on·angaha. Batanggimin bilsi 2-ni gisepo chanchisamsoe bijoli kimitani aro bijolini bilrangko gimaata gri bijoli watanirangko namdapataha aro Solar energy ba solarni bilko jakkalanirangkoba ra·doanikoba dakangaha.
Iandakgipa chu·sokaniko man·aniara, Meghalaya-o songdonggipa manderangni bil aro a·dok sorkarini a·doko namroro silroroaniko ra·bana gisiko nange kam ka·aniko mesoka ineba Governor u·iatangaha.
Na·simang iakoba nina man·gen:
Na·simang iakoba poraina man·gen: M’laya a·dok, Assam baksa sima ari donggipao ge 137 sima krongrangko songa : Governor
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
