Shillong, July 6: Meghalaya a·doko niam gri koela bikotaniko champengna man·jaengani gimin a·dok sorkariko High Court matnangrongengon, a·dokni manderang koelaosan pangchake dongaigija gipin janggi tangani cholrangkoba sandina nangenga ine Bristibar salo, Meghalaya a·dokni Chief Minister Conrad K Sangma parakatskaaha.

Chief Minister-ni aganani gitade, a·dokni manderang batanggimin bilsi 200-na koela bikotanio pangchake janggi tangbagiparang ong·ahani gimin koela bikotanion pangchake janggi tanggiparang ong·aiaha aro manderang dingtang janggi tangani cholrangko sandijaskalde ia kamkon ka·e cha·angkuaigen.

Bristibar salo, ‘Nature Solves’ ine pangchakaniko done conference-ko ong·atanio bakko ra·angani ja·man iako Chief Minister, kobor ra·timgiparangna aganaha.

Meghalaya a·doko niam gri koela bikotaniko aro salaniko National Green Tribunal (NGT)-ni gita 2014 bilsion champengatahaoba a·dokni manderang, koelarangko bikotengkuani gimin Sangma ia kattarangko aganaha.

Chief Minister-ni parakatani gitade, sorkariba pilak kamrangkode chu·gimik champengsrangnade man·jawa aro manderangna nambatgipa cholde dingtang janggi tangani cholrangkoba sandianian ong·enga.

Niam gri koela bikotaniko champengatanio NGT, an·tangni dakna nanggni kamkosa ka·aha ineba Chief Minister parakataha.

Iakoba poraie nina man·gen: Tura-o Chess kal•susaaniko ong•atenga

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub