Tura, July 6: Bristibar saloni a•bachenge All Garo Hills Chess Championship-ko Garo Hills Chess Association-ni gita Tura-ni Rongkhon Don Bosco School Parish Hall-o salgnina ong•atenga.

Ia Chess kal•susaanio gimik sak 100 kal•susagiparang bakko ra•enga aro ia sak 100-oni sak 30-de chatro chatrirang ong•a.

Garo Hills Chess Association-oni u•iatani gitade, ia All Garo Hills Chess Championship-o chegiparangoni sak 12-de State Level Chess Championship-o bakko ra•na gita cholko man•gen aro State Level-o chegiparangoni sak 4-de National Level-o kal•susaena gita cholko man•angskagen.

Ia All Garo Hills Chess Championship-o chegiparangna tangka, trophy aro certificate-rangko boksis dake on•ani donggen ineba ia kal•susaaniko ong•atenggipa manderang u•iataha.

Ia chess kal•susaanio chatro chatrirang aro gipinrangba bang•en bakko ra•engani gimin Garo Hills Chess Association-ni dilgiparang kusi ong•aniko parakattokaha.

Also Read: Health Minister, Marten-o samrangko skatang galenganina committee-ko songchina NHM-ni Director-ko didiata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub