Agartala, Dec 17: Tripura a•doko Kokborok ku•sikna Roman oikorko jakkalna gita dabianiko Tripura a•dokni Chief Minister Dr Manik Saha jechakahani gimin Twipra Students Federation (TSF) aro Tipra Indigenous Students Federation (TISF) dolrang, December-ni 18 tariko jinma jegale tom•bimonganiko Agartala-o ong•atna tik ka•angaha.
Kokborokna Roman oikorko jakkalna gita Chief Minister-ni jechakani gimin Tripura a•doko BJP sorkario bakrimenggipa TIPRA Motha aro Indigenous People’s Front of Tripura (IPFT)-ba raken jegaltokaha.
Tripura a•doko Kokborok ku•sikko 70 percent-mang ong•gipa Tribal-rangni biaprango jakkala indiba da•o dipet Kokborok ku•sikna Bengali oikorkosa jakkalengani gimin chatro chatrirang jegale, Kokborok ki•taprangko aro question paper-rangko Roman oikorchi chapa ka•china dabiangtokengachim.
Tripura a•doko songdongenggipa lak 40 manderangoni 31 percent-ni gitade, Tribal jatrangan ong•a aro ia Tribal-rang, Kokborok ku•sikna Bengali oikorko jakkalgija Roman oikorko jakkalskachina dabitokenga.
Indake ong•engon, ia dabianiko chu•sokatna Chief Minister Manik Saha jechakahani gimin TSF aro TISF dolrang nangrime, United Movement Committee on Roman Script-ko bikotaha aro ia committee-ni gita December-ni 18 tariko, dal•begipa tom•bimonganiko Agartala-ni Ujjayanta Palace-o donggipa Astabal Ground-o ong•atna tik ka•angaha.
Ia tom•bimonganiko ong•atna manchienggipani bidingo kobor ra•timgiparangna talataniko on•angengon, Kokborok ku•sikna Roman oikor jakkalaniko uni sorkaride namnikpajaenga ine Chief Minister Manik Saha aganahani gimin jegalaniko mesokna jinma tom•bimonge re•jomaniko ong•atenga ine TSF-ni vice president aro North East Students Organisation (NESO)-ni finance secretary John Debbarma parakataha.
Assam-oba BJP sorkari, Karbi aro Dimasa gita dakgipa Tribal-rangna Roman oikorko jakkalna on•aha aro Meghalaya a•dokoba Garorang, Roman oikorkon jakkalenga ine janapatengon, Tripura a•doko Kokborokna Roman oikorko jakkalna on•jaenggipara BJP ong•ja indiba Chief Minister an•tangsa jechakenga ine Debbarma matnangataha.
Na·simang iakoba nina man·gen:
Na·simang iakoba poraina man·gen: Tripura-o bol wa•arangoniko man•gipa bosturangko tang•doatna sorkari baksa soi ka•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
