Shillong, Mar 26: Khasi Students’ Union (KSU) dol, Chief Secretary Dr. Shakil P. Ahammed-na ming 5 dabianirangko on·enba, a·dok sorkari maming ja·ku de·aniko dakja ong·ode uamang rakbata ja·ku de·aniko dakanggen ine mikrakataniko on·angaha.
KSU-ni dilgipa Donald V. Thabah aro Reuben Najiar, a·dok sorkari bilsi 2 ong·pilomangba migrant workers act-ko ja·rikjaenga ine aganenba, bebe gita iako ru·utatroroa ong·ode uamang a·rikgalaniko a·bachengatpiltainaba donga ine mikrakataniko on·ataha.
Iano kragija dakani, mikkang niteani aro District Selection Committee (DSC)-ni result-rango tangka cha·anirang donga ine uamang aganan baksana iani bidingo maming dingtangataniko dakja ong·ode uamang jingjengataniko dakgen ine mikrakataniko on·angkuaha.
Iani gisepon, uamang chatro chatrirangko “Vande Mataram” gitko ring·atani niamko, pilak toromni manderangnade melijanaba donga inenba jegalataha. Una agreba, KSU dol Mahadev Khola aro Maxwelton Estate-o niamgri songdongenggipa manderangko ra·galchina u·iatan baksana NEIGRIHMS-o kamna rakkianio man·enggipa neng·nikanirangko namate on·chinaba u·iatangkuaha.
Na·simang iakoba nina man·gen:
Na·simang iakoba poraina man·gen: M’laya-o chu•onga gitan petrol, diesel-rang donga: Sorkari
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
