Shillong, Oct 20: Adita salrangna skang, Lapangap songni Pnar manderang aro Tahpat songni Karbi manderang dinggrikani a•sel Lapangap songo mi rataniko dontongchengani ja•man Sombar salo, Meghalaya aro Assam a•dokni official-rang tom•e chanchirimangenba, ia songo mi rataniko a•bachengna on•piltaina tik ka•angaha.
Ia tom•aniko, Khanduli-o donggipa Assam Border Outpost-o ong•atangaha aro ia tom•anio, Meghalaya a•dokni pal West Jaintia Hills a•jani Additional Deputy Commissioner GH Passah aro Assam a•dokni pal, West Karbi Anglong a•jani Deputy Commissioner aro SP B Barua bak ra•angskaaha.
Ia tom•anio song damgnini dilgiparang aro dingtang dingtang dolrangba bak ra•angtokaha.
Official-rangni u•iatani gitade, ia tom•anio dolgni chanchirimenba, Lapangap songo tom•tome mirangko ratna on•piltaina tik ka•angaha.
Re•anggipa October-ni 8 tariko, dolgni dinggrikanio, Tahpat songni Oriwel Timung sina nangahani gimin, ia a•selni bidingo inquiry dakanio dolgnian bakrimaniko on•na gitaba ia tom•anio tik ka•angaha.
Tom•tomaniko rakkiangkuchina aro mirangko ratanio maming so•sojengjeng ong•anirangko dakjachina gitaba ia tom•anio a•dok damgnini official-rang, dolgni manderangkon didiangaha.
Na·simang iakoba nina man·gen:
Na·simang iakoba poraina man·gen: Assam-ni SIT Zubeen sagini siani a·selko am·sandina Singapore-ona re·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
