Guwahati, Oct 20: Special Investigation Team (SIT)-ni sakgni member-rang, Special DGP (CID) Munna Prasad Gupta aro Officer Tarun Goel-ni dilanichi, git ring·anio mingsing minggamako man·gipa Zubeen Garg sagini siani chong·mot a·selko am·sandianiko dakna Singapore-ona re·angaha.
Assam-ni SIT dol, Mutual Legal Assistance Treaty (MLAT) ingipa ku·monggrikani ning·o sakki-rangko chimongna, CCTV footage-rang, phone aro tangkani record-rang baksana Zubeen sagini bon·kamgipa re·ruraani ja·kolrangko sana Singaporean official-rang baksa kamrangko ka·anggen. Una agreba uamang Zubeen-ni siani somoio Singapore-o donggipa sak 10 Assamese manderangni agananirangkoba knae ra·anggen maina uamangni u·iatanirang bang·a jakkaltobegipa chin ba u·iatanirangko on·aha.
Skotong Minister Himanta Biswa Sarma-ni Singapore-o ia case-ni bidingo dakchakaniko on·china ine Union Home Ministry-o didiata jaman ian skanggipa changna am·sandianiko dakanio India-ni a·palona re·angani ong·enga.
Indake ong·engon, Zubeen sagiko gisik ra·e mande ra·ani bak gita uni mangkrongko tarian baksana uni bimungo Music college-ko a·bachengate on·aniko man·chape ming 10 miksonganirangko a·bachengatgen ine Skotong Minister parakataha. Ian Zubeen sagini Assam-o songdonggipa manderangna bang·bea on·gilanirangko dakan baksana una kakket bichalko ka·e on·a miksonganina ja·ku de·ani ong·a ineba ua agandapangkuaha.
Na·simang iakoba nina man·gen:
Na·simang iakoba poraina man·gen: Tripura police sak 11 Bangladeshi aro sak 10 Rohingya-rangko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
