Karimganj, Nov 7: Tripura gita Assam-ni sima-ariko ga·changbatbaengmitingo komibeoba sakgittam (3) Nigeria-ni manderangko Assam police ramao dongsoe rim·aha. Koborko man·soani gita, uamangara Guwahati songjinmachipakna mikkange re·baengachim.

Rim·a man·gipa ua sakgittam Nigeria-ni manderangko Fergimeaneg Mmadubuko (31), Sylvanuss Nwawuru (30) aro Ioicin Nwachukwi Nwakokwara (29) ine ma·sina man·aha. India-ona napbana man·ani maming sakkini lekkarangko uamang gimikan on·na man·tokjaha. Indake, tangka gong 550, aro 100 US dollar-rangkoba uamangoniko sekaha, ine official-oniko koborrangko man·soaha.

Police-ni aganani gitade, niam gita pilakkon daka matchotmane uamang sakgittamkon Karimganj Civil Court-o mikkang pa·atgen. Foreigners Act, 1946 aro Passport (Entry into India) Rules, 1950-ni section 6-ni kragipa niamrango pangchake uamangni kosako mamlako segataha, ine official aganaha.

Indake ong·engon, Nigeria-ni manderangni aganani gitade, uamang sakgittam Delhi-ona re·angani ja·man Dharmanagar-oni re·chakangna miksongengachim.