Williamnagar, Aug 7: ‘Decolonising Research: Looking at the History of Folklore Research’ ine pangchakaniko donenba Bristibar salo, Williamnagar-o donggipa Loyola College-ni Sociology aro History department-rang, salsani International Symposium-ko ong•atangaha.
Ia program-ko ong•atanio, USA a•songo donggipa New Jersey City University-ni Prof William Westerman, chatro chatrirangna aganprakengon, maikai mandeni u•i-ma•siani aro dakbewal rikbewalchi gitcham golporangko am•sandibaaha, uarangni gimin aganangenba, research-rangko dakani ba ning•tue am•sandianirangko dakanio jakgitel ong•gipa aro jato pangchakgipa ong•china ku•pattianirangko on•angaha.
Skie ra•anirangko dakanio, classroom-rangosan ong•aigija, chatro chatrirangni namnikani gita ong•chinaba Prof Westerman aganaha.
Prof Westerman-ni aganani gitade, chatro chatrirang sakgipinrang baksa, saksa sakgipinoniko aro apsan jinma chanchirime skie ra•anichisa nambate skie ra•naba man•a.
Prof Westerman-ni chatro chatrirangna aganprakani ja•man jinma chanchirimanikoba ong•atangaha aro ia chanchirimanio chatro chatrirang, an•tangtangni chanchianirangko parakangan baksana nangchongmotgipa sing•anirangkoba sing•tokaha.
Ia jinma chanchirimanio, dingtangmancha A•chik jatni gitcham golporangko, jatni man•rikanirangko aro u•i-ma•sianirangko ripinge rakkina man•na gita Garo Community Museum ba A•chikrangni Museum-ko kulina nangengani gimin chanchirimangaha.
Na·simang iakoba nina man·gen:
Na·simang iakoba poraina man·gen: GHADC-ni man•na nanggipa kajinarangko sorkari bon•en on•aha: CM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
