Shillong, Dec 4: Sonibar salo, Meghalaya a•dokni Chief Minister Conrad K Sangma, East Jaintia Hills a•jani gital Lumshnong C&RD Block-ko, a•dokni Commerce & Industries Minister Sniawbhalang Dhar aro jolni MLA Shitlang Pale-ni mikkango nokdonggae on•angaha.
We believe governance closer to the people will ensure schemes reach the villages and are utilized to the maximum for their benefit.
I dedicate this very important milestone to our people of Lumshnong C&RD Block. pic.twitter.com/ihRK8F2d0L
— Conrad Sangma (@SangmaConrad) December 3, 2022
Ia gital C&RD Block-ko nokdonggae on•angani somoio a•dokni Chief Minister, jinmana aganprakatengon, ia Lumshnong C&RD Block-ko kulina gita rakbee kamrangko ka•ahani gimin joint action committee-ni chairman aro membor-rangko mittelpilangenba, ia biapo administrative unit aro gipin department-ni office-rang dongjani a•sel indita bilsirangna galchipako man•ahachim indiba da•o Lumshnong C&RD Block-ko kuliahani gimin sorkarini kamrangko ia jolni manderangona sepangbatatgnok ine parakataha.
Politician-rang aro sorkari officer-rangni daitoara manderangna dangdike on•anian ong•a ineba ua aganaha.
A•doko pilakni gitan namroro silroroaniko ra•bana, sorkarini kamrangko manderangona sepangbatatna aro manderangni ku•rangko knachake manderangna dangdike on•na gita batanggimin bilsibrini gisepo ia sorkari rakbee kamrangko ka•aha ineba Chief Minister parakataha.
Ia sorkarini somoio COVID-19 sajinmani a•sel bang•a neng•nikanirangko man•na nangahaoba, gitcham sorkarini somoiona 40 percent-na baten korosrangko ka•aha aro batanggimin bilsibrini gisepo ia sorkari, ramarangkoba bang•bate tariaha aro da•alo lak 3 ong•na sipile nokdangrangna chirangko sale on•na man•aha ineba Sangma aganaha.
Ia gital C&RD Block-ko songe on•anganio a•dokni Chief Minister, Commerce & Industries Minister baksa, Grassroot level Response towards Ecosystem Enhancement and Nurturing Scheme (GREEN) / Payment For Ecosystem (PES)-ni cheque-rangkoba suale on•angaha.
NRLM CIF-ni ning•o Lumshnong C&RD Block-ni dolbonga Village Organisation (VO)-rangnaba ia tom•anio gong lak 14-ni cheque-rangko suale on•angaha.
Ja•mano a•dokni Chief Minister, Lumshnong C&RD Block-ni gital office nokkoba nokdonggae on•angaha.
