Guwahati, Oct 2: Bristibar salo, Guwahati-ni Gandhimandap-o a·songni pagipako mande ra·e gisik ra·na inenba Assam Sorkari Mahatma Gandhi-ni atchiani salko maniangaha.
Uandake ia salo, Sarva Dharma Prarthana Sabha ba pilak toromrangni bi·aniko ong·atangaha. Gandhi-ko gisik ra·a mande ra·aniko dakana agreba, Assam-ni mingsinggipa git ring·gipa Zubeen Garg sagikoba gisik ra·aniko dakangaha.
“Ia namen gamchatbegipa sal ong·a. Da·alni sal-ara Vijayadashami aro Gandhi-ni atchiani sal ong·a. Chinga pilak toromrangni bi·aniko ong·ate Mahatma Gandhi-ni meli-nangrimani aro tom·tomani dakbewalko mesokaha. India sorkari aro manderang ong·e chinga ia bebera·anio re·mikkangna ku·rachaka. Juhi Bindgadji-ni dakchakanichi, chinga Bapu-ni cholon-rangko chingni ka·tongrango dona, bi·anirangko daka, aro a·songsan ong·e chingni ja·kurangko de·anga,” ine Assam Chief Secretary Ravi Kota kobor ra·timgiparangna parakataha.
“October 2 tarik-ara namen gisik ra·beani sal ong·a maina ia Dussehra, Gandhi-ni atchiani sal, aro Lal Bahadur Shastri-niba atchiani sal ong·a. Chinga da·alo ia biapo ia minggitamko manienga. Indake ong·genchimoba chinga chingni ka·sara Zubeen Garg sagiko gisik ra·e dukko man·enga. Mejal salni bako uni siani ja·mano uko gisik ra·e bi·anirangko ong·ataha,” ine BJP-ni State Vice President ratna Singh jinmana parakataha.
Gandhimandap-o pilak toromrangni bi·anirangko ong·ata baksana Bapu-ni tarigimin bimangni mikkango pulrangko donaha. Gandhi-an bil-jakchi sokgija tom·tomani aro nangrimgrikani gimin skiaha ine agane, Shastri-ni Jai Jawan, Jai Kisan-ni gimin agananirangko Singh gisik ra·ataha. Ia Dussehra-ni salo, uamang namgijako namanichi amaniko manie, songsar-oniko namgijako gimaatna aro namako ra·bana an·tangtangko on·kange ra·aha.
Bon·kame ua Atmanirbhar Bharat, Atmanirbhar Asom, ba a·songtango a·doktango pangchake janggi tangani aro a·songtangni bosturangkosan jakkalena krengna ineba ku·mongrimaniko on·angaha. Uandake ua Bapu aro Shastri-ni mesokanggimin ramako re·mikkange, a·songna on·kange kam ka·na ku·chakangaha.
Na·simang iakoba nina man·gen:
Na·simang iakoba poraina man·gen: M’laya-o Mahatma Gandhi-ni atchiani salko gisik ra·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
