Shillong, Aug 18: Meghalaya a•dokni sima jolo donggipa Maikhuli songo, Assam State Eletricity Board (ASEB)-ni niam gri songgipa bijoli krongrangko songni manderang pe•e galani ja•man, Maikhuli songni manderang aro Assam a•doko donggipa manderangni gisepo adita dinggrikani ong•kataha.
Koborko on•ani gitade, ASEB-ni songe donanggipa bijoli krongrangko Sombar pringo, Maikhuli songni manderang pe•e galenba noktangtangchi re•angpiltokahachim indiba ja•mano Assam-oni dolsa manderang ua biapona re•baenba, bijoli krongrangko pe•e galgipa manderangko sandion, dolgnini gisepo jegrikani ong•kataha. Dolgnini gisepo iandake jegrikani ja•man bil-jakchi dinggrikaniba ong•kataha.
Iandake dolgni dinggrikanio, Maikhuli songni me•chikrangko kragija dake Assam-ni manderang jak sokahani a•sel ba•ra kancharang gin•aha aro me•asarangkoba dokaha ine matnangtokaha.
Ia a•selni bidingo kobor man•soa bakan Meghalaya aro Assam a•dok damgnichipaknin district official-rang, police-rang baksa re•bae, so•sojengjeng ong•ako namatna man•aha aro ja•mano manderangko, ua biaponiko a•rikgalatna man•aha.
Ia a•sel ong•ani ja•man, Maikhuli jolrango tom•tomaniko rakkiangna gita a•dok damgnini official-rang, Peace Committee-ko songna tik ka•angaha.
Na·simang iakoba nina man·gen:
Na·simang iakoba poraina man·gen: kanggipa State University-ni skanggipa batch-ko rimchaksoa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
