Shillong, June 11: Bilsi 2 mangni gosepo, malaria aro dengue sabisirangko man•e sak 14 mangni gita sianggiparang dongahani gimin, a•dok sorkari ia sabisirangko gimaatna miksonge rakbata ja•kurangko de•engaha.
A•dokni Health Minister Dr. Ampareen Lyndoh, West Garo Hills aro West Khasi Hills a•jarangni dam 15 ba 16 ning•tubegipa biaprangona, nangchongmotgipa sanna bannani bosturangko sokatna drone-rangko jakalanichi nangnikenggipa manderangna dakchakaniko on•gen ine aganaha.
Indake, a•doko malaria sabisiko bon•atna gita songsalni gita jak on•pana nangchongmotani gimin aganengon, chi sikonge dongenggipa nalarango ganggurangko bitchi chi•na on•a nangja aro mandena maming nosto ong•ataniko on•gijagipa, jo•ong siani samrangko satna nanga ine talate on•angaha.
Unbaksana, malaria sabisiko man•anichi, bilsi 18-na komigipa bi•sarangni janggina kenbatani donga ine aganan baksa, saoba fever-rang ong•genchimode ta•rake u•iatna nanga aro ASHA-rango mongsongbate bi•sarangna test ka•e niani ostrorangkoba bariatna nangenga, indake iani bidingo songsalo aro social media-rango, jolni kri ku•sikrangko jakkale u•iataniko giproroataniko dakenga ineba Health Minister janapataha.
Shillong Parliamentary seat-ni ning•o dam 36 Constituency-rangko grongeaniko dakon, medical dolrangni krenge kam ka•anichi bang•bata biaprangon rongtal an•talanio namdapaniko nikna man•aha ine aganan baksa, ia sabisini giproroaoniko chel•chaksona man•a gita sabisi dongama uina man•a ta•rake porikka ra•e nichina aro mosorirangko tuani somoio jakkalchinaba ua sakantikon didiataha.
Na·simang ia video-koba nina man·gen:
Na·simang iakoba poraina man·gen: HNLC-ni sleeper cell membor-rangko Ri-Bhoi police-rang rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
