Imphal, Feb 10: Manipur a•dokni Ukhrul a•jao, gital dake so•sojengjeng ong•aniko nikna man•taiahani gimin ia jolrango curfew-ko ra•gatangaha aro salbongana internet-ko dontongataha.
Koborko on•ani gitade, Sombar walo, silchidare ra•bitgipa dolsa manderang, Litan Sareikhong songo nokrangko so•aha aro silchidarerangko bangbango gopongponge manderangko kenjagokataha.
Indake ong•engon, so•sojengjeng ong•anirang batroroangjana gita aro tol•e jangbingbanganirang giprorojana gita Ukhrul a•jao Mongolbar sal dipet salbongana internet-ko dontongataha ine Manipur-ni Home Commissioner aro Secretary N Ashok Kumar parakataha.
Ukhrul a•jao so•sojengjeng ong•aniko champengna gita sorkari, Bharatiya Nagarik Suraksha Sanhita-ni Section 163-ni ning•o ge•etanirangko on•ahaoba aro ia jolrango ma•mongni sipai dolrangko donatahaoba, so•sojengjeng ong•anirang talsrangkujaenga ine kobor on•timgiparang parakataha.
Batanggimin salbongani gisepo, silchidare ra•bitgipa manderang, nokrangko so•e galani ja•man, songni manderang, an•tangtangni nokrangko wate katna nangaha ineba kobor on•aha.
Na·simang iakoba nina man·gen:
Na·simang iakoba poraina man·gen: M’laya CM, CBCI National Award-ko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
