Imphal, Feb 24: Union Agriculture and Rural Development Minister Shivraj Singh Chouhan, 2025-26 bilsio Pradhan Mantri Awaas Yojana-Gramin scheme-ni ning·o Manipur a·doko Internally Displaced Persons (IDPs) ba so·so jengjeng ong·ani somoio noktang jamtangko wate katna draatako man·giparangna ge 5,000 nokrangko rikna ra·chakaniko on·angaha.
New Delhi-o Manipur-ni Skotong Minister N. Biren Singh, Deputy Chief Minister Nemcha Kipgen aro Deputy Chief Minister Losii Dikho baksa tom·bimonganiko daka jaman iako tik ka·angaha.
Ia rikgimin nokrangkoara a·doko jatsa jatgipin baksa nanggrikani somoio noktangko wate katna draatako man·gipa nokdangrangna on·anggen. Banggija somoirangna skang, Manipur sorkari nangchakeako man·gipa nokdangrangna PMAY-G-ni ning·o ge 5,000 nokrangko rikna dingtangmancha project-ko on·china didiatahachim ine official-rang u·iataha.
Union Ministry of Rural Development, Awaas+2024-ni ning·o housing scheme-ko man·a kragipa nokdangrangko segatanikoba a·bachengataha. A·dok sorkari, Pradhan Mantri Awaas Yojana-Gramin-ni niamko ja·rike man·a kragipa nokdangrangko seokna nanggen aro Awaas+2024 mobile app-ko jakkale uamangni detail-rangko upload ka·atna nanggen.
Scheme-ni official guidelines ba u·iatgiminko ja·rikesa ia nokrangko rikna nanggen ine u·iatengon, a·dok sorkari batanggimin somoirango PMAY-G instalment-rangko man·gimin manderang jemangni nokrangan jatsa jatgipin baksa nanggrikanio nosto ka·e galako man·ahachim uarangnaba nokrangko on·a man·gen.
Union Minister Shivraj Singh Chouhan, Manipur a·doko tom·tomani aro ramram janggi tanganiko ra·bapilna ma·mong sorkarini chu·gimik dakchakaniko on·gen ine ka·donganiko on·angaha.
Na·simang iakoba nina man·gen:
Na·simang iakoba poraina man·gen: TMC, GHADC election-o susanagipa sak 14 candidate-rangni skanggipa list-ko parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
