Imphal, Feb 1: Manipur a·doko gital sorkariko rikna miksongengani gimin Robibar salo, BJP-ni MLA-rangko man·chape National Democratic Alliance (NDA)-o bakrimenggipa pilak MLA-rangan, New Delhi-ona re·angtokaha.
Koborko on·ani gitade, NDA-ni MLA-rangko, Sombar salni 2:00 bajio Delhi-o gronge chanchirimna gita BJP-ni North East in-charge Sambit Patra okamataha.
Manipur a·doko dontongatako man·gipa Manipur Legislative Assembly-ni term, February-ni 13 tarikon bon·na siengahani gimin gital BJP-ni dilgiparang, gital sorkariko rikna nangnike, NDA-ni MLA-rangko Delhi-ona okamataha.
Delhi-ona re·angengmitingo kobor ra·timgipa manderang baksa agangrikangengon, uamang Manipur a·doko gital sorkariko rikna miksonganirang donga indiba ma·mongo BJP-ko dilgiparangni seokgimin mandekosa uamang gital Chief Minister-na ra·chakgen ine NDA MLA-rangoni saksa Sorokhaibam Rajen aganaha.
Manipur a·doko, mongsongbate a·kawe jolrango dingtang dingtang Kuki dolrang, gital sorkariko bikotanio bakrimaniko on·jawa ine paraktokengon, manderangni seokgimin sorkariko rikpiltaichina gita a·kawe jolni dingtang dingtang dolrang dabitokskaenga.
NDA-ni MLA-rang baksa Delhi-o tom·anio Manipur-o ong·enggipa obostarangni gimin, mongsongbate sorkariko rikpiltaina chanchinaba gnang ine kobor on·timgiparang u·iatengon, ia tom·anio maini gimin chanchirimna sienga, BJP-oni maming u·iatanirang dongskakujaenga.
Manipur a·dokni gitcham Chief Minister N Biren Singh-ba, New Delhi-ona re·angna skang, Imphal International Airport-o kobor ra·timgiparang baksa agangrikengon, uni CM ong·engmiting somoio ua Manipur a·doko pilakni gitan dingtanganiko ra·bana jotton ka·ahachim ine aganaha.
NDA-o bakrimenggipa pilak dolni dilgiparangkon New Delhi-ona okamataha ine janapatengon, ia tom·anio chanchirimanichi maiba namgnikode ra·bana man·gen ine Singh, an·tangni ka·dongchakenganiko parakataha.
Na·simang iakoba nina man·gen:
Na·simang iakoba poraina man·gen: Siang Upper Multipurpose Project-ni PFR-na MoU-o soi ka·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
