Imphal, May 3: 2023 bilsio Manipur-o kajia-golmal ong∙ani somoio noktang-jamtangko wate katna nanggipa ritchani ritcha nokdangrang da∙o bilsi gittamni ja∙manoba relief camp-rango dongna nangengkua, aro namen neng∙nikani baksa janggi tange, noktangona re∙angpilna ka∙donganirang komiangroroenga.
“Re∙anggipa bilsi gittamna chinga relief camp-o donge janggi tangenga aro bang∙a neng∙nikanirangko chagrongenga. Chinga noktangtangona re∙pilna skengaha. Iano donganichi chingni mikkangchi janggi tanganina mamung ka∙dongani dongja,” ine Tengnoupal a∙jani Moreh Bazar-o songdonggipa, May 3, 2023-o kate chakna nanggipa Kh. Khamba parakataha.
Ua salo jinmani tom∙bimonganiko ong∙atani ja∙mano kajia-golmalrang batroroaha, uandake uamang an∙tangtangni dokkanrangko chipe noktangtango nape puja ka∙na tariaha aro attamo golmal-gondogolrang ong∙enba, manderangni gam-jinrangko nosto ka∙aha, manderangko doka-sataha aro nok-jamrangko so∙aha. Uamang kate chakaha aro ja∙mano police uamangko Imphal-ona rimangaha ine Khamba talatangaha.
Bang∙a gipin manderang gitan, uamangni kate chakani dikdiksanasan ong∙aigen ine Khamba chanchiachim indiba bilsi gittamni ja∙manoba uamang mamung dingtanganiko nikkujaenga. Kate chakgipa nokdangni manderang da∙o komibeoba Imphal-o dam-sku relief camp-rango dongna nangenga. Uamangoni bang∙a manderangan janggi tanganio nangchongmotgipa cholrangko man∙jaenga, dedrangni poraianirangko dontongatna nangaha aro namgipa gadango sanna-banani cholrangko man∙jaenga ine parakataha. Ka∙donga gri ong∙e Khamba, uamangko namedake naljoke noktangtangona re∙pile janggi tangpilna dakchakchina adok aro ma∙mong sorkarirangko mol∙molataha.
Relief camp-o dongenggipa Robita Devi minggipa sakgipin mandeba namen neng∙nikanirangko man∙enga, poraiani cholrang dongjaenga aro tangka-paisana neng∙nikanirangko man∙enga ine aganangaha.
Uamang basako noktangtangona re∙angpilna man∙gen u∙ikujaengani gimin uamangni janggi tangani jaja-jiji ong∙kuenga aro noktangtangko gisik ra∙ata baksana u∙ina man∙gijagipa mikkangchiko niate dongna nangenga.
Na·simang iakoba nina man·gen:
Na·simang iakoba poraina man·gen: Am·sandianiko dakanio niamgri palenggipa litre 600 churangko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
