Imphal, June 13: Sonibar salo batanggipa antio Manipuro kajia golmal nangrike siangipa mande sakni manggisiko gopna ritchabatpile manderangni tomdakanio kajia nangrike gorikani a·sel kuki songni volunteer sak 1 so·otako man·a aro sak 2 mata buaniko man·a.
Batanggipa salrangonin Kajia golmal nangrike jarenge donengipa, Lasan songni gisepgriko donggipa Kuki song, jean Tamenglong district-ni ningo aro Kangpokpi district-ni ningo donggipa Langka Liangmei Naga songo pringni 8:40 baji mango kajia golmal ong·aha.
Sriksrik Kobor on·timgipani aganani gitade silai ra·bitgipa manderang Kuki songni volunteer-rangko goani a·sel a·damon saksa siaha aro sakgni saakinaako man·aha. Saakinaa man·gipa manderangko sanna bannaniko dakna hospital-ona rimangaha.
Salbrini jaman Lasan songni game cha·gipa Haogin Lhouvum-ko June 9 tariko mi a·palo kam ka·mitingo goe so·otani jaman, ian gitalgipa a·sel ong·taiaha. Uko so·otanichi Kuki organisation-rangni ningo adita ding·chaoanirang nakate Kangpokpi district gimikko chipataniona sokaha. Songni nokni manderang so·otaniko jegale una kaket bichalko on·china dabitokenba, ritchabatpile tome uni manggisiko ra·chakani somoio jegalaniko dakanio bakko ra·tokahachim.
Sonibar salo mikkarang jimbegenchimoba ritchabatpile manderang re·bae Lhouvum-ko bonkame mande ra·aniko dakna Phaijang-o donggipa Martyrs’ Cemetery ba goramo tomaha. Uni nokdangni manderang, songko dilgiparang, civil society organisation-rang aro songni nokni manderang gopanio bakko ra·tokaha, uan jinma ku·monge dukchakrimani aro gisik ra·na krabeani ong·achim.
Indake ong·enchimoba, gital silai goaniara tomtome dukmikchi chakgrikaniko dingtangataha, una agreba a·doko tom·tom ong·e dongaoniko so·so jeng·jeng ong·ataina to rudapa gita dakaha.
Ia a·sel ong·ara batanggipa salrango Naga aro Kuki community-ni manderangko rim·sruke donne so·otani a·sel baksa Manipur-o gital dake so·so jeng·jeng ong·taimiting somoio ong·aha. Ia a·sel ong·ani giproroaniko champengna warachakgipa sipai dolrang so·so jeng·jeng ong·batronggipa biaprango mikrake dongenga.
Manipur-o bilsi gittamna batpile jatsa jatgipin baksa nanggrike so·so jeng·jeng ong·anichi hajalni hajal manderang noktangko wate dongna nangenga aro bang·a a·bri jolrango saksa sakgipino ka·dongnigri ong·e kenchipchipe dongna nangao ga·akenga.
Warachakgipa sipai dolrang uamangni sandirikitaniko bariataha, uandake authority-rangba gipinchina giproroaniko champengna nirokaniko dakenga.
Na·simang iakoba nina man·gen:
Na·simang iakoba poraina man·gen: Lahkmen Rymbui, Yuva Sangam-o bak ra·gipa Telangana-ni chadamberangko India-ni Salgro Salaram jolrangko ra·dochina didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
