Imphal, Apr 21: Mongolbar salo, Manipur a•dokni Senapati a•jao donggipa T Khullen songo, Naga aro Kuki dolrangni gisepo gogriktaiaha aro ian ia jolrango songdongenggipa manderangna kenjagokataniko ra•baaha.
Koborko on•ani gitade, ia jolrango batanggimin salrangonin kenchipchipe dongna nangtokengachim aro Mongolbar salo, Naga aro Kuki dolrang, gogriktaiani ja•man, ia jolrango songdongenggipa manderangna kenjagokataniko on•angtaiaha.
Adita salrangna skangsan, Imphal-oni Ukhrul-ona dakanggipa ramao Naga manderangko chadrape, sakgniko so•ote galani ja•man ia jatgnini gisepo ding•chaogrikanirang ong•angaha aro uandaken Mongolbar saloba ia jatgnini manderang, Senapati a•jani T Khullen songo gogriktaiaha.
Naga manderangko bobil dake chakatgipa Kuki manderangni goe galanina jegale, United Naga Council-ni dokkanrangko chipatna aro ramarangko champengna jotton ka•ahani gimin dolgnini gisepo ding•chaogrike, Mongolbar salo Naga aro Kuki dolgnini gisepo gogriktaiaha ine kobor on•timgiparang parakataha.
Dolgnini gogrikanio manderang sia dongama dongja aro baditana kingking ru•ute gogrikachim, da•o dipet official-rangni u•iatanirangko man•sokujaenga.
Dolgnini gogrikani bidingo kobor man•soa bakan ua biapona chel•chakgipa sipai dolrangko watataha.
Indake ong•engon, Naga sakgniko Kuki bobil dolrangni goe galanina jegale dingtang dingtang dolrang, Manipur a•dok gimikon dokkanrangko chipattokaha aro ramarangko champengatahani a•sel, manderangni kam ka•anirangko aro re•ruraanirangko nikna man•jaha.
Thoubal a•jaoba, Wangjing-o gital rikgipa BDO office-ko Manipur a•dokni Chief Minister N Biren Singh-ni nokdonggae on•na re•angako dingtang dingtang dolrang jegalsoahani a•sel adita so•sojengjeng ong•angangaha ine kobor on•aha.
Na·simang iakoba nina man·gen:
Na·simang iakoba poraina man·gen: Montfort Teacher Training College-ni bilsi 25 gapaniko manianio CM bak ra•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
