Imphal, June 8: Arambai Tenggol ingipa dolni Metei dilgipa Kanan Singhko rim·ani ja·man una chakgiparang Manipurni skotong songjinma Imphalo jinma jegale re·jomamiting somaio golmal kajia ong·engani gimin, Bishnupur, Imphal West, Imphal East, Thoubal aro Kakching districtrango curfewko ra·gatan baksa mobile internetrangko dontongataha.
Bang·bea Metei chadamberang ka·onange rama-sorokrangko champengataha, tyre rangko so·aha aro Singhko watchina jinma a·bok-chrike inchrotokaha.
Da·skario Kuki songrango kajia golmal ong·ate so·sojengjeng ong·atgiparangoni aro jatsa jatgipini kosako ding·chaoatgrikaniko on·giparangara ia Arambai Tenggol dolrangan ong·a ine Kuki Tribal dolrang aganaha. AT dolrang silairangko cha·aue jakkalaha aro jakkalkuenga, uamango maming Silchi darerang dongjaha ine uamang governorni mikkango ku·rachakahaoba chong·motko uina man·kujaenga ine Kuki dolrang aganaha.
Kuki manderangni songdonggipa biap Moreh joloba uamangni dilgipa Gangteko rim·ani gimin uko watpilchina jinma jegalaniko ong·atenga. 2023 bilsio saksa Police officer Chingtham Anand-ko, Gangte minggipa mande snifer riflechi goe so·otaha ine matnangako man·enba uko rim·ahachim.
Iamang sakgniko rim·ani bidingo kajia-golmalrang ong·engon sorkari curfewko ong·kate internet wataniko dontongataha.
Na·simang ia video-koba nina man·gen:
Na·simang iakoba poraina man·gen: Arunachal-o chirang bananichi neng·nikanirangko man·enggipa manderangna Indian Army-ba dakchakenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
