Shillong, Oct 6: MBBS seat-rangko sualanio dakgualanirang donga ine matnangengani gimin ia dakgualanirangko namatna gita a•dokni Health Minister Wailadmiki Shylla, Khasi Students Union (KSU)-ni dilgiparangna ku•rachakaniko on•angaha.
Sombar salo, a•dokni Health Minister-ko iani bidingo gronge chanchirimani ja•man kobor ra•timgiparangna talate on•angengon, uamangni ku•pattie on•anirangko Health Minister ra•chakaha aro mikkangchide MBBS seat-rangko sualanio iandake dakgualanirang dongjana ka•dongenga ine KSU-ni president Lambokstarwell Marngar aganaha.
Marngar-ni aganani gitade, State quota-o MBBS course-na seat-rangko sualanio bang•bate mark man•gipa Khasi candidate-rangkon nichanggale komibate man•gipa gipin candidate-rangkosa open category-o ra•skaahani gimin uamang sorkarina u•iataha aro sorkari, ia dakgualanirangko namdapatna ku•rachakataha.
Standard Operating Procedure (SOP)-ni Clause 9.6-o chatro chatrirangna, open category aro Scheduled Tribe (ST) category-oniko basena chol on•engani gimin ian open category-o chatro chatrirangni cholko ra•sekani gita ong•enga aro ia niamko den•galchina KSU dabiaha ineba Marngar parakataha.
MBBS seat-rangko sualanio parak ong•ani dongna nanga ine janapatengon, mark bang•bate man•gipa chatro chatrirangnade skanggipa cholrangko on•chengna nanga ine KSU president aganaha.
State Reservation Policy-o Scheduled Caste (SC) candidate-rangko man•chapatenganina sing•doatskaengon, SC candidate-rangko Reservation Policy-o ra•ani sakkirangko mesokchina gitaba KSU dabiangaha.
Tanushka Chakravarty-na bate mark man•gipa sakchet Khasi candidate-rangko Open category-ni waiting list-o donatchina gitaba KSU dabiangaha.
Na·simang iakoba nina man·gen:
Na·simang iakoba poraina man·gen: Hagrama Mohilary-ko BTC-ni dilgipa ine songanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
