Shillong, Oct 17: Meghalaya Civil Service Officers’ Association (MCSOA)-ni annual conference ba bilsini tom·bimonganiko Sukrobar salo, Shillong songjinmani State Convention Centre-o ong·atangaha aro ia tom·bimonganio, Meghalaya a·dokni Chief Minister Conrad K Sangma, mongsonggipa sokgipa ong·e bak ra·angaha.
Ia tom·bimonganio a·dokni Chief Minister Conrad K Sangma, jinmana aganprakengon, an·tangtangko on·kange kamrangko ka·engani gimin MCS officer-rangko mittelpilangenba, a·dokko chalaianio kamrangko mangrakbatatna gita sorkarini ka·enggipa kamrangni gimin agan-talatanirangko on·angaha.
A·doko songdongenggipa manderangni janggi tanganio dingtanganiko ra·baanian sorkari aro officer-rangni dangdike on·anio mongsonggipa miksongani ong·a ineba Sangma gisik ra·atpiltaianiko on·angaha.
Pangnan miksongani aro bamani gnang manderangna dangdike on·angkuchina gita MCS officer-rangko didiangengon, officer-rangni gadangrangde dingtang ong·aigen indiba miksonganide pangnan apsan ong·e dongna nanga ine Chief Minister aganaha.
Kamrangko dangdike on·anio dilgipa ong·ani aro ka·sachakgipa ong·na nangani gimin janapangskaengon, politician-rang ‘jechakna’ aro officer-rang ‘ra·chakna’ skie ra·genchimosa India a·songde chong·motgipa dingtanganiko man·gen ine Sangma aganaha.
IAS-na dingtang Meghalaya cadre-ko bikotani aro uandakgipa dingtang dingtang kamrangni giminba ia tom·anio Chief Minister, agan-talatanirangko on·angaha.
Meghalaya a·dokni namroro silroroanina an·tangni ka·dongchakenganiko parakatengon, Meghalaya a·dokba da·alo, India a·songo ta·rakbatsranggipa economy-o gnigipa a·dok ong·engaha aro batanggimin bilsiprakon economy-ni dal·roroani 10 percent ong·engani gimin re·baenggipa bilsirangode bilsio 12-oni 14 percent ong·e dal·roroaniko nikna ka·dongenga ine Chief Minister aganaha.
Na·simang iakoba nina man·gen:
Na·simang iakoba poraina man·gen: Zubeen Garg case-o matnanga man·gipa sakgniko sal 14-na Judicial Custody-o donata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
