Shillong, May 30: A·dok ge·gnini gisepo ku·mong-nangrime manderangna namgniko ra·bana, Meghalaya aro Karnatakani Legislative Assemblyni Welfare of Scheduled Tribes, Scheduled Castes, aro Other Backward Classesni Committeerang damsan, Sukrobar salo Shillongo tom·e chanchirimaniko dakangaha.
Tom·aniko Rilbongni Annexe Hall-o ong·ataha aro Amlaremni MLA Lakhmen Rymbui dilaha. Uandake, Meghalayaoni Rupa. Marak (MLA, Dadenggre), seoke okamako man·gimin memberrang sakgni Shibu Das aro Sagar Ch. Das aro unbaksana Legislative Assembly Secretariat-Raja Kharpuri, L. Mynsong aro Nicely Kharbuli bak ra·angaha.
Karnatakaoni A.R Krishnamurthy (MLA, Kollegal) dilbaaha aro Assembly aro Legislative Council dolgnini manderang – G.H Srinivasa, H.V Venkatesh, Gururaj Shetty Gantihole, Siddu patil,Katti Nikhil Umesh, Dr. Dhananjaya Sarji S.R., aro Balkis Banu aro una agreba Karnataka Legislative Assembly Secretariatni senior officerrang bakko ra·angaha.
Chanchirimanirangko dakengon, dolgnian a·doktangtangni niamrang, neng·nikanirang, aro Scheduled Triberang, Scheduled Casterang aro Other Backward Classrangni janggi tanganirangko tang·doatna ka·enggipa kamrangko parakgrikaha.
Tom·ani matchotahaon, Rupa M. Marak ia chanchirimanirango Karnatakani gimin skie ra·na aro Meghalayani gimin aganskana namgipa chol ong·aha ine aganaha. “Dolsa dolgipinna agan-skie on·anichi an·chingni kamrangko namdapatna aro niamrangko tarina dakchakgen aro ian a·doknasan namgni ong·aijawa indiba a·song gimiknan ong·gen,” ine ua aganangaha.
Uandake, uamang Indiani cholgri-apgribatgipa manderangni janggi tangani gadangrangko namdapatna mikkangchiba on·kange kam ka·anggen aro bakrimanggen ineba tik ka·angaha.
Na·simang ia video-koba nina man·gen:
Na·simang iakoba poraina man·gen: kusi ong·e manianiko ong·atanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
