Shillong, Jan 12: Am·sandigipa dolrang, Meghalaya-ni buringo gisim rongchi su·tota gnanggipa buringni matchuriko jakgitel ong·e dongenganiko skanggipa changna nikchengaha. 2021 bilsini October 10 tariko, West Garo Hills-o songni manderangni ripinge donenggipa buringoniko ia nikronggijagipa matchuriko nikna man·aha. Uamangni nikmiting somoio ia matchuri-ara meter 20 mang ong·gipa bolni cheksirango ta·rakptete malruraaniko nikna man·aha aro ia buringrangara namen dikbeani gimin uamangna dongchakna gita namen krabegipa biap ong·achim.
Salim Ali Centre for Ornithology and Natural History (SACON)-oni am·sandigipa dolrangni mammal survey ka·miting somoio ia matchuriko nikna man·aha. Ia am·sandigipa dolo Sanyukta P. Kasbekar, Gautam Kadam, Honnavalli N. Kumara, Siddhesh Sitaram Bhor, P. V. Karunakaran aro S. Babu-koba man·chapa. Dikdiksasa nikrikmiting somoio uamang jachipchangrangko ra·rikanichi, ian gisim rongchi su·tota donggipa aro ki·me ro·enba gongdimpilgipa matchuri ong·a ine u·ina man·aha.
Niamni gita naljoke rakkienggipa matchuri ong·genchimoba, iani bidingo bang·an name u·itokkujaenga. Meghalaya a·doko adita somoirangna skang u·iatgipade Ri-Bhoi a·jao naljokata man·gipa matchurisa ong·a indiba buringo nikanide ian skanggipa chang ong·enga.
Ia matchuriko nikaniara, Garo Hills-o ru·uta somoirangoni ia matburingara manderangna baten bang·a biaprangon dongachim indiba darang mandeni nikkijao dongani gimin darangba u·ijahakon ine chanchichipaona sokataha.
Ia matchurikora, Nokrek Biosphere Reserve-ni ning·o donggipa Daribokgre Community Reserve-oniko nikna man·aha aro jolo songdonggipa manderangni ripinge rakkigipa iandakgipa buring bolgrimrangara nikronggija matburingrangko naljoke rakkianio namen nangchongmotgipa ong·aniko mesoka. Am·sandigipa dolrang, matburingrangni bidingo name poraie nina, Meghalaya a·doko badita mang iandakgipa bijarirang gnangchim aro maidakgipa kengnigipa obostarangko uamang chagrongna nangengachim uarangko u·ina ba poraie nina gita uamang nambata cholrang jekai bol chuarango camera-rang donanirangko nangchongmota ine aganangaha.
Na·simang iakoba nina man·gen:
Na·simang iakoba poraina man·gen: GHADC Election-o gipin jatrangni chakatenganiko AAYWS jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
