Jowai, Sep 22: Bristibar salo, Jowai-ni MLA Wailadmiki Shylla-ni jakchi, Mihmyntdu songni damsku gittimrango namroro silroroaniko ra•bana gita work order-rangko pakwate on•angaha.
Lumpyrtuh Community Hall-o dingtangmancha tom•aniko ong•atanio ia work order-rangko Jowai-ni MLA pakwate on•angaha.
Ia tom•anio Jowai-ni MLA Wailadmiki Shylla, jinmana aganprakangengon, retaining wall, footpath aro uandakgipa kamrangna ia work order-rangko ia gittim damskuna on•enga ine talate on•angaha.
Batanggimin bilsi brini gisepo ua songo noko sanna banani kamrangko namdapatna, skulrangko kulina aro songni manderangna nanga bosturangko suale on•na jotton ka•aha ineba Shylla aganaha.
Ia kamrangko gittimtangtangni committee-rangsa ka•na siengani gimin kamrangko nambate ka•na man•gen ineba ua an•tangni ka•dongchakenganiko parakataha.
Ia tom•anio Mihmyntdu songni dilgipa Abul Phawa-ba jinmana aganprakengon, an•tangni constituency-o aro songo noko namroro silroroaniko ra•bana kamrangko ka•enga ine Jowai MLA-ko mittelpilangenba, songni kilometre 7 ong•gipa ramako gong krro 5 tangkarangchi tarina a•bachengataha aro kamrangko jabrini gisepon matchotna ka•dongenga ine parakataha.
