25.7 C
Tura
spot_img

“Miksonganio ku·cholsan ong·ode, India-ni chugipa gadangona sokdogniko darangba champengna man·jawa”

Must read

Delhi, Oct 27: Kal·susaani a·bao India a·songko chua gadangona ra·dona gita a·songni namgnina a·bachengate on·gipa “Khelo India” aro “Fit India”-o a·songni manderang gimikan bakko ra·na nangchongmota ine Mongolbar salo Union Sports Minister Pa Kiren Rijiju aganaha.

“Kal·susaani aro be·enna ranta ka·ani gimin skie-ra·ani minggnian apsanaia. Mingsao namgnina Fit India-ko aro minggipino namgnina Khelo India-ko a·songni Prime Minister Pa Narendra Modi a·songni manderangna a·bachengataha. Fit India-chi an·ching sakantian an·senge donggiparang ong·na nanga ine ma·siate on·ani ong·a. “Physical Education and Sport: The power to unite communities” ine pangchakaniko done Manipur-oni National Sports University, aro Trivandrum-oni Sports Authority of India-ni Laxmibai National College of Physical Education (LNCPE) dolgni nangrime ong·atanggipa International webinar-o aganprakanio, Fit India-an a·songko kal·susaani a·bao chugipa gadangona ra·dona dakchakgen, ine Pa Rijiju agan-janapaha.

“An·ching gimikan iano bakko ra·na nangchongmota aro jensomaio an·ching, an·chingni miksonganio ku·cholsan ong·on, India-ni chugipa gadangona sokdogniko darangba champengna gita man·jawa. A·gilsak gimikni jelbra-jelsuanio India-ni on·gilpaaniko janapengon, India an·sengbaenggipa ong·ode a·gilsak gimikba an·sengbaenggipa ong·a. Khelo India-chi a·songni kona-noksik gimikchini manderangan iano bakko ra·na chol ong·gen,” ineba Pa Rijiju agandapaha.

Pa Rijiju-ni aganani gita, kal·susaanio chu·sokgipa ong·anichi, a·jao silroroani donga, melie-nangrime donggipa gimik manderangan bate chu·sokrorora. “India-oniko toe agana gita an·ching MC Mary Kom-ko nikatna man·gen, jean gimik chang-chet world championship medal-rangko chebagipa ong·a aro ma·gipa ong·aoni chang-brina kingking chebae namen chu·sokgipa saksa me·chik ong·e sakanti me·chikrangna uan dakmesokani gita chacha ong·aha. Ma·gipa ong·a ja·manoba chu·sokanide gnang ine uan sakanti ma·giparangna dakmesokani ong·jola”, ineba Pa Rijiju agankuaha.

Translated by Jen Momin

spot_img

More articles

spot_img
-->

Latest article