28.2 C
Tura
spot_img

Ming 3 project-na a•dokni CM pangchakaniko songe on•a

Must read

Shillong, Mar 11: Sombar salo, Meghalaya a•dokni Chief Minister Conrad K Sangma, mongsonggipa minggittam project-rang, chong•motan New Shillong Water Supply Scheme, Mawlai Marten-ni Waste Processing & Disposal Site-o Land Reclamation project aro New Shillong Township ning•o ramarangko tarina gita pangchakaniko songe on•angaha.

Ia project-rangna pangchakaniko songe on•anganio, a•dokni Deputy CM Sniawbhalang Dhar, PHE Minister Marcuise N Marak, Health Minister Ampareen Lyngdoh aro a•dokni Chief Secretary DP Wahlang-ba dongpaaha.

Ia project minggittamna pangchakaniko songe on•anganio a•dokni Chief Minister, jinmana aganprakangengon, ia project-ko minggittamko a•bachengatenganichi Meghalaya a•dokna sorkarini niksamsoaniko chu•sokatna ja•ku de•anio sepangbatatani gita ong•enga ine parakataha.

Advertisement

New Shillong Water Supply Project-na gong crore 1600-ko chamatahani gimin a•doko dal•batsranggipa project-rangoni mingsa ong•enga ine janapatengon, ia project-ni skanggipa bakna gong crore 500-mangko watatmanaha aro ia kamko ja 36-ni gisepon matchotatna nisan donenga ine Chief Minister aganaha.

New Shillong Township ning•o ramarangko tarina sienggipani bidingo janapatskaengon, Mawkhanu-na ramarangko gong crore 185 korosrangchi taridapna sienga aro kamrangko 2026 bilsini bon•angachibara matchotna ka•dongenga ine Chief Minister parakataha.

Mawlai Marten-ni Waste Processing & Disposal Site-o tarina sienggipa Land Reclamation project-ni gimin janapatskaengon, ia biapo chimonggimin jabolrangara ia jolo songdongenggipa manderangnasan ong•aigija a•dok gimikni manderangnan jajrengna nangani ong•engani gimin ia jabolrangoniko sorkari, ma•manti bosturangko tariskagen ine Chief Minister aganaha. Chief Minister-ni aganani gitade, ia kamrangko ja 12-oni ja 18-mangni gisepon matchotna ka•dongenga.

A•song gimiko damchet New Township-rangko bikotna gita ma•mong sorkarini niksamsoenggipani bidingo janapatengon, Meghalaya a•dokni New Shillong Township-koba ma•mong sorkari jako ra•ahaode gong crore 500 tangkarangko man•dapgnok ine Chief Minister parakataha

Na·simang iakoba poraina man·gen: Shillong songjinmani Harijan Colony-o IED boma gopretanio jak donggipa sakgniko rima

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub

spot_img

More articles

spot_img
-->

Latest article