Aizawl, Dec 2: Skotong Minister Lalduhoma, Mizoram Agricultural Marketing Board (MAMB)-ni tom·bimonganiko dakdilangha, jeon Board-ni manderang NITI Aayog-ni Mizoram a·doko “Ginger Capital of India” ine parakatanina mitelpilskaaniko dakataha. Ia ra·chakaniara, Mizoram a·dokni e·ching ge·anio ta·rake tang·dororobaani baksana uni dingchikgipa biba, bang·bea to-rangko man·ani aro samgri ge·a gamanirang barirorobaaniko mesoka ine official-rang u·iataha.
Tom·bimonganiko ong·atengon, Skotong Minister re·anggipa November jani 24 tariko New Delhi-o ong·atgipa Mizoram Ginger-ni bidingo chanchirimaniko man·chape, ia bilsio dakanggimin pilak kamrangko nipilaniko dakangaha. Mizoram sorkari aro NITI Aayog-ni apsan nangrime ong·atgipa ia tom·bimonganio Central Ministry-ni sak 60-na bate investor-rang aro official-rangba bak ra·angpaaha aro NITI Aayog-ni gita Mizoram-o nambatgipa e·chingrangko man·anina officially ra·doeba aganangaha.
MAMB-ni gita naljokgipa, nambatgipa aro samgri ge·gipa e·chingrangko man·e on·a on·kange kamrangko ka·enga ine u·iataha. Iani gisepon, ia bilsi uamang kg 3,38,35,182 mang e·chingrangko ra·baaha jeni daman kror 137.72 mang ong·gen aro game ge·e cha·giparangna chu·gimik tangkarangkoba gamanaha ineba Board u·iataha.
Iani gisepon, uamang re·baenggipa sal somoirango dakna sienggipa dingtang dingtang kamrang jekai December jani 5 aro 6 tariko Aijal Club-o Ginger Buyer-Seller Meet baksana re·baenggipa 2026 bilsini January 12 tariko Sairang-o Ginger Processing Unit-ko nokdonggae on·a manchisoanikoba parakataha. E·chingrangko rate ran·atgimin ba e·ching granrangko am·ani batroroaniko chu·ongatna gita, Board-ni gita e·chingrangko ratna aro ran·atna Handholding Scheme-ni ning·o Mizo manderangni bikotgipa Rapchung aro Tapchhak Technology-rangko jakkalanggen.
MAMB-ni gita 2026 bilsio e·ching breani sal aro jarangko parakataha. Uamang February 2 tarikoni March 31 tarikona e·chingrang, February jaoni March jaona holdirang, Mizo jal·ikrangko February jaoni April jaona aro Buhhum ba mi-rangko 2026 bilsini January jaona breaniko dakanggen.
ZOHANDCO, re·baenggipa sal·wa ge·taiani somoiona ramgimin sal·warangko sorkarini ra·chakgimin damo breskaani gisepon, saoba sal·warangko palbadingna sikgenchim ong·ode uamang Land Resources, Soil & Water Conservation Department-oniko Certificate of Origin baksana EF&CC Department-oniko Transit Pass ra·na nangskagen.
Agriculture and Farmers’ Welfare Minister P. C. Vanlalruata baksana Skotong Minister-na ku·pattianiko dakgipa Dr. K. C. Lalmalsawmzauva aro gipin MAMB-ni member-rangba ia tom·bimonganio dongpae bak ra·angpaaha.
Na·simang iakoba nina man·gen:
Na·simang iakoba poraina man·gen: Community & Rural Development office nokko CM nokdonggae on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
