28.2 C
Tura
spot_img

Mizoram election-ara BJP-RSS-ni napbana jotton ka•aniko champengsoani: Rahul Gandhi

Must read

Aizawl, Oct 17: India a•songo dingtang dingtang jatrang aro toromrang jakgitele janggi tangna man•na gita Congress dolni songe donanggipa pangchakaniko BJP nisie galna jotton ka•aha ine Mongolbar salo, Congress dolni dilgipa Rahul Gandhi, Mizoram a•dokni skotong Aizawl songjinmao jinmana aganprakengmiting somoio janapatenba, Mizoram Assembly election-ara BJP aro RSS dolrangni napbana jotton ka•aniko champengsona ja•ku de•anisa ong•enga ine parakataha.

India a•songara dingtang dingtang jat aro toromo bebera•giparangni ku•cholsan meli nangrime songdong a•chagipa a•songsa ong•a ine janapatengon, ia dingtang dingtang jat aro toromrangko BJP-ni ong•gija miksongaoniko chel•chakna nangenga ine Gandhi aganangaha.

Salgro salaram jolo donggipa dingtang dingtang a•dokrangko BJP-RSS dolrang chadrapenga aro apsan daken Mizoram a•dokoba manderangni bebera•ani aro daka rikanirangna kenchakna nangani ong•enga ineba ua aganaha.

Mizoram a•doko donggipa regional party-rangni gimin janapatengon, MNF aro ZPM dolgnian BJP-ko nokchakenga maina MNF dolde BJP baksa bakrimanaha aro ZPM-ba BJP-ni kosako warachakjaenga ine Congress dolni dilgipa aganaha.

“Assam-ni chief minister, ia regional party-rangko jakkalenba, politics kal•na jotton ka•enga,” ine ua aganaha.

Mizoram a•dokni manderang BJP-ni napbaaniko nangniktokjaengani gimin Congress dol baksasa ong•enga ine janapatengon, indita bilsirangna Mizoram a•dokni manderang Congress dolna chakpaaniko on•aha aro iani sakki uamango gnang ine Gandhi parakataha.

Manipur a•dokkoba BJP, joltangtangni political dolrangko jakkalen chadrapaha ine janapatskaengon, iani giminsa Mizoram a•dokoba BJP-RSS dolrangoniko warachakna gita Congress kam ka•enga ine Gandhi aganaha.

Mizoram Assembly Election-ko re•baenggipa November 7 tariko ong•atenga aro result-ko December 3 tariko parakna siengachim.

Iakoba poraie nina man·gen: India aro B’desh a·songni ‘Sampriti-XI’ Military Exercise-ko ong·ata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub

spot_img

More articles

spot_img
-->

Latest article