Shillong, Dec 5: Bristibar salo, People’s Democratic Front (PDF)-ni MLA sakgni aro Hill State People’s Democratic Party (HSPDP)-ni MLA saksa, National People’s Party (NPP)-o napskana gita kamtangtangko watangaha.

Ia MLA sakgittamara, PDF-ni Hamletson Dohling aro Jason Sawkmie Mawlong baksana HSPDP-ni Samlin Malngiang ong•a aro uamang an•tangtangni kam watani chittiko Bristibar salo, Assembly-ni Speaker Metbah Lyngdoh-na on•eaha.

Koborko on•ani gitade, PDF-ni MLA Jason Sawkmie, Sukrobar salo NPP-o napanggen, PDF-ni sakgipin MLA Hamletson Dohling, January-ni 7 tariko napangskagen aro HSPDP-ni Samlin Malngiang, January-ni 10 tariko NPP-o napskagen.