Shillong, Oct 14: Meghalaya a·dokni skanggipa five-star hotel Vivanta Meghalaya-ko Sukrobar salo, a·dokni Chief Minister Conrad K Sangma, nokdonggae on·angaha aro ia hotel-ko nokdonggae on·anio dingtang dingtang cabinet minister-rang, a·dokni Rajya Sabha MP, Chief Secretary, Director General of Police, MTDC-ni Chairperson, sorkari officer-rang aro gipinrangba dongpae bak ra·angaha.
With a huge feeling of fulfilment and after a long wait of 36 years, I am filled with immense joy today to inaugurate Meghalaya’s First 5 Star Hotel ‘Vivanta Meghalaya, Shillong’.@narendramodi @kishanreddybjp @tourismgoi @vivantashillong @VivantaHotels pic.twitter.com/FgoIH5cRxT
— Conrad Sangma (@SangmaConrad) October 14, 2022
Ia Vivanta Meghalaya-ko nokdonggae on·anganio a·dokni Chief Minister, jinmana aganprakengon, ia hotel-ko 1986 bilsionin rikna a·bachengahachim indiba da·o ong·enggipa sorkari, krenge kamko ka·dilahani a·selsa da·o matchotatna man·aha aro ian Meghalaya a·dokni manderangna namen gisik ra·beani sal ong·enga ine parakangaha. COVID sajinmani a·sel kamrangko ka·anio dingtang dingtang neng·nikanirangko chagrongna nangahaoba kamko matchotate on·ahani gimin ua ia kamo jak donggipa dingtang dingtang dolrangkoba mittelpilangaha.
Ia Vivanta Meghalaya-ko square metre 8,800 ong·gipa biapo rikaha aro ia hotel-o ge 101 kuturirang baksana restaurant, coffee shop, bar, retail shop, banquet hall aro uandakgipa dingtang dingtang biaprangba donga. Ian Meghalaya Tourism Development Corporation (MTDC)-ni gam-jin ong·a aro ia hotel-ko PPP mode-o bilsi 33-na chalaina gita IHCL-na pakwate on·aha.
