Shillong, Sept 7: Meghalaya a•dokni Director General of Police (DGP) R Chandranathan, chutti ra•na gita dorgasto galaha ine Mongolbar salo a•dokni Home Minister Lahkmen Rymbui parakataha.

DGP-ni dorgastoko ua man•sokujaengani gimin ua badita salna chuttiko ra•na miksongenga, name ma•sikujaenga ineba Rymbui parakataha.

Re•anggipa August jani 13 tariko ong•gipa a•selni bidingo sandina gita sorkari, judicial inquiry-ko songaha ineba Home Minister parakataha.

“Ia pilakan committee-ni jakosa ong•aigen aro inquiry committee-ara jakgitelgipa committee-sa ong•ani gimin chinga mamingkoba aganna man•kujawa,” ine Rymbui aganaha.

HNLC-ni gitcham dilgipa Cheristerfield Thangkhiew-ko police-rangni so•ote galani bidingo inquiry-ko dakengmiting somoio DGP, chutti ra•na gita dorgastoko galskaahachim aro uni iandake chutti ra•na dorgastoko galaniko sorkari ra•chakgenma ra•chakjawa, manderang sing•na gita a•bachengskaaha.