Shillong, Nov 14: Meghalaya Governor CH Vijayashankar, atchiaoni aro atchiani ja·man mikron nikgijagipa bi·sarangni chu·gimik census-ko on·china Social Welfare Department-na ge·etaniko on·ataha.
Ia ge·etaniko ua Raj Bhawan-o bi·sarangni salko maniani somoio parakataha.
Indake je bi·sarangan a·sel ong·achi ba sanna bannaniko on·anio ja·manchakanichi mikron kana ong·achim, uamangni mikronko nikatpilna man·aba donga ine janapatan baksa mikron donate ba ka·sae on·gilgipako nanga aro somoi gita sanna bannaniko on·a nanggen ine Vijayashankar aganaha.
Adita hospital-rang mongsongbate Kerala-o donggipa hospital-o, bilsi 14-na komikuenggipa bi·sarangna sanna bannaniko on·a man·a aro uamangko Ayurvedic samchi mikronko sanna man·ani gimin mingsinga ineba ua aganaha.
Uasan ong·aigija, alamala mikron nikbregijagiparangde, sal 15-na sanna bannaniko ra·e nampilna ama ine talatan baksa, a·dokni bi·sarangko hospital-rango sanna bannaniko on·china sorkari mol·molchakgen ineba Governor ku·rachakangaha.
Be·enni gita neng·nikaniko man·enggipa bi·sarangni an·seng baljokanina kam ka·engani gimin janapengon, man·a dipet bi·sarangna dakchakaniko on·a gita Vijayashankar ku·rachakangaha aro ia bi·sarangna name skie on·aniko dakgenchimode uamang doka dam·anio, chi jrosusana aro git ring·susana sapsranggiparang ong·genchim, uni gimin ua bi·sarangko name simsak nirokgenchina Department-koba ua didiataha.
Na·simang iakoba nina man·gen:
Na·simang iakoba poraina man·gen: Sak 21 Field Assistant-rang CTI Byrnihat-oni chu·soke matchota
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
